పాయల్ శృంగార పాఠాలు.. గెట్ రెడీ
ఓ యువకుడిపై వ్యామోహంతో అతడిని ప్రేమలోకి దింపి తన కోరిక తీర్చుకున్న తరువాత ప్రేమమత్తులో మునిగితేలుతున్న వాడిని పిచ్చివాడిగా మార్చి చివరికి హత్య చేయించే ప్రతినాయిక ఛాయలున్న పాత్రలో నటించి `ఆర్ ఎక్స్ 100` సినిమాతో అందరిని ఆశ్చర్యానికి గురిచేసింది పాయల్ రాజ్పుత్. తాజాగా అంతకు మంచిన పాత్రలో కనిపించబోతోంది. తెలుగులో తొలి సినిమా `ఆర్.ఎక్స్ 100`లోనే ఘాటైన శృంగార సన్నివేశాల్లో నటించి మతిపోగొట్టిన పాయల్ నటిస్తున్న తాజా చిత్రం `ఆర్డీఎక్స్ లవ్`. ఈ చిత్రంలోనూ అంతకు మించిన సన్నివేశాల్లో నటించి కాకలు రేపుతోంది.
ఇటీవల విడుదలైన ఈ చిత్ర ట్రైలర్ ఇప్పటికే యూట్యూబ్లో వైరల్గా మారింది. భాను శంకర్ దర్శకత్వంలో రూపొందిన ఈ చిత్రాన్ని అక్టోబర్ 11న రిలీజ్ చేయాలని మేకర్స్ ప్లాన్ చేశారు. ఈ మూవీలో మహిళలు ఎదుర్కొనే ఇబ్బందులు, అసురక్షిత శృంగారం తదితర సమస్యలపై చర్చిస్తున్నారట. ఇందులో అలివేలు అనే పల్లెటూరి అమ్మాయిగా పాయల్ రాజ్పుత్ పాత్ర `ఆర్.ఎక్స్ 100`లోని పాత్రకు కొనసాగింపు తరహాలో వుంటుందని, అలా అని ఇది `ఆర్.ఎక్స్ 100` చిత్రానికి కొనసాగింపు కాదని పాయల్ స్పష్టం చేస్తోంది. అంతే కాకుండా ఈ చిత్రంలోని యాక్షన్ సన్నివేశాల్లోనూ తన సత్తా ఏంటో చూపించానని, ఇందు కోసం ప్రత్యేక శిక్షణ తీసుకున్నానని చెబుతోంది. యాక్షన్ మాటేమో కానీ అసురక్షిత శృంగారం అన్న పాయింట్ యూత్ కి బాగా కనెక్టయిపోవడం ఖాయం. అంతగా పరిణతి లేని యూత్ కండోమ్ లేకుండానే కానిచ్చేసే పని వల్ల ఎలాంటి తంటాలు ఉంటాయి? అన్నది పాయల్ చెబితే బేషుగ్గానే ఉంటుంది మరి.