మే 18వ తేదీ శనివారం రాత్రి విజయవాడలో ప్రిన్స్ మహేష్ బాబు హీరోగా నటించిన ‘మహర్షి’ సినిమా సక్సెస్ మీట్ జరిగింది. అభిమానుల కోలహలం, నటీనటుల మధ్య మీట్ జరిగింది. ఈ కార్యక్రమానికి యాంకర్, ఆర్జే హేమంత్ కూడా హాజరయ్యాడు. మే 19వ తేదీ ఆదివారం హైదరాబాద్ వస్తుండగా కారు ప్రమాదం జరిగింది.
అయితే ఈ ప్రమాదం నుంచి అతడు సురక్షితంగా బయటపడ్డాడు. జగ్గయ్యపేట మండలం షేర్‌ మహమ్మద్‌ పేట క్రాస్‌ రోడ్డు వద్ద హేమంత్ కారు ఓ గేదెను ఢీ కొట్టింది. దీంతో కారు ఒక్కసారిగా పల్టీ కొట్టింది.
ఆ సమయంలో అతడే కారు డ్రైవ్‌ చేస్తున్నట్లు తెలుస్తోంది. కాగా విజయవాడలో ‘మహర్షి’ సక్సెస్ మీట్ కార్యక్రమం పూర్తి చేసుకుని హైదరాబాద్ తిరిగి వస్తుండగా ఈ ప్రమాదం జరిగింది. ఇందుకు సంబంధించి పూర్తి వివరాలు తెలియాల్సి ఉంది.
యాంకర్, ఆర్జేగా ఉన్న హేమంత్ పలు సినిమాల్లో నటిస్తున్నాడు. కామెడీని తనదైన శైలిలో పండిస్తూ అభిమానులను అలరిస్తున్నాడు.