ఆదిపురుష్ సినిమా అనౌన్స్ మెంట్ అయిపోయింది. ఇక.. ఆ సినిమాకు సంబంధించిన కొత్త కొత్త అప్ డేట్స్ ఒక్కొక్కటిగా బయటపడుతున్నాయి. ముందుగా ఆ సినిమా పోస్టర్ ద్వారా సినిమా రామాయణం మీద ఉంటుందని అంతా అనుకున్నారు. ఆ తర్వాత సినిమా రామాయణం మీదనే ఉంటుందని కన్ఫమ్ అయింది. ఆ తర్వాత ప్రభాస్ రాముడి పాత్రలో కనిపించబోతున్నాడని తెలిసింది. ఆ తర్వాత సినిమా బడ్జెట్ 1000 కోట్లని తెలిసింది. ఆ తర్వాత సినిమాలో విలన్ పాత్రకు బాలీవుడ్ నటుడు సైఫ్ అలీఖాన్ ను తీసుకోనున్నట్టు తెలిసింది. ఆ తర్వాత సినిమాలో సీత పాత్రకు మహానటి కీర్తి సురేశ్ ను తీసుకున్నట్టు తెలిసింది.
ఇలా.. రోజురోజుకూ సినిమాకు సంబంధించిన అప్ డేట్స్ తెలుస్తూనే ఉన్నాయి. ఆ అప్ డేట్స్ ఎలా ఉన్నాయంటే… ప్రభాస్ ఫ్యాన్స్ కు గూస్ బంప్స్ వచ్చేలా ఉన్నాయి.
ఈ సినిమాను బాలీవుడ్ డైరెక్టర్ ఓం రావత్ తెరకెక్కించనుండగా… 2021 లో సెట్స్ మీదికి వెళ్లనున్న ఈ సినిమా.. 2022లో రిలీజ్ కానుంది.
ఇక.. ఈ సినిమాకు సంబంధించిన మరో అప్ డేట్ ఏంటంటే.. ప్రభాస్.. ఈ సినిమాలో రానా దగ్గుబాటిని కూడా తీసుకోవాలని మూవీ యూనిట్ కు సూచించాడట. సూచించడమే కాదు.. ఖచ్చితంగా రానా ఈ ప్రాజెక్టులో ఉండాలని చెప్పాడట. ఇంకోరకంగా చెప్పాలంటే డిమాండ్ చేశాడనే చెప్పాలి.
మరి.. అది విలన్ రోల్ కోసమా? లేక మరేదైనా ముఖ్యమైన రోల్ కోసమా అనేది తెలియదు కానీ.. రానా మాత్రం ఖచ్చితంగా ఈ ప్రాజెక్టులో ఉండి తీరాల్సిందేనని ప్రభాస్ తేల్చి చెప్పాడట. ప్రస్తుతం ఫిలింనగర్ లో ఈ టాపికే తెగ హల్ చల్ చేస్తోంది.
బాహుబలి సిరీస్ లో రానా, ప్రభాస్ మధ్య కెమిస్ట్రీ బాగా పండటమే కాదు.. వీళ్లిద్దరు జాన్ జిగ్రీలుగా మారారు. అందుకే.. ప్రభాస్.. రానాను ఈ ప్రాజెక్ట్ కు తీసుకోవాలనే కండీషన్ పెట్టినట్టు తెలుస్తోంది. చూద్దాం.. మరి.. రానా కూడా ఈ సినిమాలో నటిస్తాడో? లేదో?