త్రివిక్రమ్ తో విభేధం…రెస్పాండ్ అయిన నాగ్
కింగ్ నాగార్జున .. మాట‌ల మాంత్రికుడు త్రివిక్రమ్ మధ్య ఏదన్నా గొడవైందా అంటూ మీడియాలో వరసపెట్టి కథనాలు వస్తున్న సంగతి తెలిసిందే. అందుకు కారణం…రీసెంట్ గా జరిగిన ‘మన్మధుడు 2’ ప్రీ రిలీజ్ ఈవెంట్ లో ‘మన్మధుడు’ డైరెక్టర్ విజయ్ భాస్కర్ గురించి దేవి శ్రీ గురించి మాట్లాడిన నాగ్ ఆ సినిమాకు కథ,మాటలు అందించిన త్రివిక్రమ్ గురించి ఒక్క ముక్క కూడా మాట్లాడలేదు. అంతేకాకుండా సినిమాలో పంచ్ లకు కూడా విజయ్ భాస్కర్ కె క్రెడిట్ ఇవ్వడం అందరినీ ఆశ్చర్యపరిచింది. దాంతో ఆ ఈవెంట్ అయిన వెంటనే త్రివిక్రమ్ ఫాన్స్ …నాగ్ ని టార్గెట్ చేస్తూ ట్వీట్స్ యుద్దం చేశారు. దాంతో నాగ్ కు…త్రివిక్రమ్ కు మధ్య ఏదో గొడవ జరిగి ఉంటుందని అంతా ఫిక్స్ అయ్యిపోయారు. ఆ విషయం ధృవికరిస్తున్నట్లూగా నాగ్ మరోసారి మీడియా దగ్గర దొరకిపోయారు.
మన్మధుడు 2 ప్రమోష‌న‌ల్ ఇంట‌ర్వ్యూలో త్రివిక్రమ్ తో గ్యాప్ విష‌య‌మై మీడియా నుంచి ఓ ప్రర్శ మీడియానుంచి ఎదురైంది. దానికి నాగ్ స్పందిస్తూ.. “మన్మధుడు కథ నాకు వినిపించింది విజయ్ భాస్కర్.. ప్రతిరోజూ నన్ను కలిసి నాతో పంచ్ లు చెప్పించింది కూడా ఆయనే. అందుకే ఆయన గురించే మాట్లాడాను“ అని అన్నారు. అంతేకాకుండా ఆ డిస్కషన్ ని కట్ చేయటానికి అన్నట్లుగా ..,,నెక్స్ట్ క్వశ్చన్ ప్లీజ్!! అంటూ మ్యాట‌ర్ ని డైవ‌ర్ట్ చేసేశారు. దాంతో వీళ్లద్దరి మధ్యా గ్యాప్ వచ్చిందని మీడియా ఖరారు చేసేసింది.
అయితే నాగ్ కు, త్రివిక్రమ్ కు మధ్య ఎందుకు విభేధాలు వచ్చాయి అన్నదానికి రకరకాల కారణాలు వినపడుతున్నాయి. నాగ్ తనతో సినిమా చేయమని త్రివిక్రమ్ ని అడిగాడని ఆయన నో చెప్పాడని అంటున్నారు. మరికొంతమంది అఖిల్ రెండో సినిమాని త్రివిక్రమ్ తో చేద్దామని నాగ్ భావించాడు కానీ అప్పుడు హ్యాండ్ ఇచ్చాడని చెప్పుకుంటున్నారు. అసలేం జరిగిందనేది ఇద్దరిలో ఎవరో ఒకరు బయిటకు చెప్తే కానీ క్లారిటీ రాదు.