నాగార్జునని మన్మధుడు అని పిలుస్తూంటారు అభిమానులు. ఆ మాటకు తగ్గట్లే ఆయనలో ఎప్పుడూ గ్లో, ఛార్మ్ కనపడుతూనే ఉంటుంది. ఎప్పుడూ అందంతో మెరిసిపోతూంటారు. యంగ్ హీరోలకు ఆయన పోటీ ఇస్తూంటారు. అయితే ఆయన్ని రీసెంట్ గా టీఎస్ ఆర్ అవార్డ్ ల పంక్షన్ లో చూసిన వాళ్లు మాత్రం షాక్ అయ్యారు. ఒక్క సారిగా వయస్సు మీద పడినట్లు కనిపించారు. ఆ గ్లో అంతా ఏమైపోయిందో ఎవరికీ అర్దం కాలేదు. ఫ్యాన్స్ సైతం ఈ విషయమై డిస్కషన్ పెడుతున్నారు.
ఈ టైమ్ లో ఆయన మన్మధుడు 2 ప్రాజెక్టుకి సైన్ చేసారు. రాహుల్ రవీంద్రన్ ఈ ప్రాజెక్టుకు సంభందించిన స్క్రిప్టు రెడీ చేస్తున్నారు. 2002లో విజయ్ భాస్కర్ దర్శకత్వంలో త్రివిక్రమ్ స్క్రిప్టుతో వచ్చిన మన్మధుడు ఓ సంచలనం. అప్పుడు నాగ్ వయస్సు 43. ఇప్పుడు దాదాపు అరవైల్లో పడ్డారు. మరి ఈ టైమ్ లో మన్మధుడుగా ఆయన అలరించగలరా అనే సందేహం అందరికీ కలుగుతోంది. ఈ వయస్సులో ఇది రాంగ్ ప్రాజెక్టు అవుతుందా అని సందేహపడుతున్నారు.
ప్రస్తుతం ఈ సినిమా ప్రీ ప్రొడక్షన్ పనులు వేగవంతంగా జరుగుతున్నాయి. తాజా సమాచారం ప్రకారం ఈ సినిమాని అధికారికంగా త్వరలో లాంచ్ చేయనున్నారు చిత్ర దర్శక నిర్మాతలు. మార్చ్ 12 న సినిమా అధికారికంగా లాంచ్ చేయడానికి ముహూర్తం ఫిక్స్ చేశారట. సినిమా షూటింగ్ లో ఎక్కువ భాగం యూరప్ లో జరగనుందని తెలుస్తోంది.
మరీ ముఖ్యంగా మొదటి షెడ్యూల్ కూడా అక్కడే జరుగుతుందట. అన్నపూర్ణ స్టూడియోస్ బ్యానర్ పై నాగార్జున స్వయంగా ఈ సినిమాని నిర్మిస్తున్నారు. రాహుల్ ఈ సినిమా సీక్వెల్ తో ప్రేక్షకులను ఎంతవరకూ మెప్పిస్తాడో వేచి చూడాలి.