మన్మధుడి బాక్సాఫీస్ సత్తా ఎంత?
నాగార్జునమన్మధుడు 2 చిత్రానికి తొలిరోజు విమర్శకుల నుంచి నెగెటివ్ రివ్యూలు వచ్చిన సంగతి తెలిసిందే. లేటు వయసు రొమాన్స్ అంతగా వర్కవుట్ కాలేదని విమర్శలొచ్చాయి. ఈ నేపథ్యంలో ఈ సినిమా బ్రేక్ ఈవెన్ సాధించడం సాధ్యమేనా? బాక్సాఫీస్ వద్ద వాస్తవ పరిస్థితి ఎలా ఉంది? అంటూ విశ్లేషణలు సాగుతున్నాయి.
తొలి రోజు షేర్ వివరం చూస్తే.. ఈ సినిమా ప్రపంచవ్యాప్తంగా 4.89 కోట్ల షేర్ (8కోట్ల గ్రాస్) వసూలైంది. అమెరికా ప్రీమియర్లు కలుపుకుని దక్కిన వసూళ్లు ఇవి. నైజాం-1.18 కోట్లు, సీడెడ్- 45లక్షలు, ఉత్తరాంధ్ర -46లక్షలు (వైజాగ్ కలుపుకుని) వసూలైంది. ఆంధ్రా మొత్తం -2.09కోట్లు కలెక్టయ్యింది. ఏపీ, తెలంగాణ కలుపుకుని 3.75 కోట్లు వసూలైంది. కర్నాటక – 62 లక్షలు (సుమారు), రెస్టాఫ్ ఇండియా- 25లక్షలు, అమెరికా- 30లక్షలు కలెక్ట్ చేయగా, తూర్పు గోదావరి జిల్లా-35లక్షలు, పశ్చిమ గోదావరి జిల్లా-28లక్షలు, కృష్ణ-28లక్షలు, గుంటూరు-54లక్షలు, నెల్లూరు-18లక్షలు వసూలైంది. మొదటిరోజు అంతంత మాత్రమే. దాదాపు 20కోట్ల మేర బిజినెస్ చేసిన ఈ చిత్రం ఆ మేరకు షేర్ తేవాలంటే ఈ తొలి వీకెండ్ వసూళ్లతో పాటు తొలి వారం అదరగొట్టాల్సి ఉంటుంది. అయితే ఇప్పటికే డిజాస్టర్ అన్న రివ్యూలు రావడం సినిమాకి పెద్ద మైనస్ అనే చెప్పాలి. మన్మధుడి సత్తా ఎంతో సోమవారం నాటికి తేలనుంది.