సూపర్‌స్టార్‌ రజనీకాంత్, శంకర్ కాంబినేషన్‌లో తెరకెక్కిన ‘2.0’ చిత్రం నిన్న గురువారం విడుదలైంది. సినిమా కోసం అభిమానులే కాదు సినీ ప్రముఖులు కూడా ఎంతో ఆత్రుతగా ఎదురుచూసారు. దాంతో వెంటనే సినిమాని చూసేసారు. సినిమా గురించి తమ అభిప్రాయాలను సోషల్‌మీడియా ద్వారా వెల్లడిస్తున్నారు. శంకర్ తెరకెక్కించిన ఈ విజువల్ వండర్ ను తప్పకుండ చూడాలని ముఖ్యంగా ఈచిత్రాన్ని 3డి లో చూస్తే థ్రిల్ అవుతామని అంటున్నారు.
భారీ అంచనాల మధ్య విడుదలైన ‘2.0’ సినిమాపై సూపర్ స్టార్ మహేష్ బాబు చాలా మెచ్చుకున్నారు.‘‘2.0’ చిత్రం ఒక సినిమాటిక్ జెమ్! మునుపెన్నడూ చూడని కొత్త ఎక్స్‌పీరియన్స్‌ని ఇస్తుంది. డైరెక్టర్ శంకర్ సర్ తన బ్రిలియన్స్‌తో సినిమాను ఓ నూతన లెవల్‌కు తీసుకెళ్లారు. బాగా ఎంజాయ్ చేశాను. రజినీకాంత్ సర్‌కి, అక్షయ్ కుమార్, ‘2.0’ చిత్రబృందానికి కంగ్రాచ్యులేషన్స్’’ అని మహేష్ ట్వట్‌లో పేర్కొన్నారు. రజనీకాంత్ అభిమానులు ఈ ట్వీట్ ని వైరల్ చేస్తున్నారు. ఓ సూపర్ స్టార్ సినిమాపై మరో సూపర్ స్టార్ కామెంట్ అంటూ షేర్ చేస్తున్నారు.
#2point0 is a cinematic gem!!! Gives you a never before seen experience… @shankarshanmugh sir ups his game to an all new level of sheer brilliance👌🏻 thoroughly enjoyed it 👍🏻👍🏻 Congratulations to @rajinikanth sir, @akshaykumar and the entire team of 2.0👏🏻👏🏻👏🏻
— Mahesh Babu (@urstrulyMahesh) November 30, 2018
రజినీ ,అక్షయ్ ల నటన , శంకర్ టేకింగ్ అలాగే విజువల్ ఎఫెక్ట్స్ ఈ చిత్ర విజయం లో కీలక పాత్రను పోషించాయి. ఇక ఈ చిత్రం భారీ స్థాయిలో విడుదలైన నేపథ్యంలో చాలా ఏరియాల్లో మొదటి రోజు బాక్సాఫిస్ రికార్డులను తిరగరరాసింది.