సూపర్ స్టార్ మహేష్ బాబు ఒక ఫ్లాప్ ఎదురైతే అంత ఈజీగా తీసుకోడని అందరికి తెలిసిన విషయమే. తన వల్ల ఎవరైనా నష్టాల భారిన పడ్డారంటే ఏ మాత్రం తట్టుకోలేడు. అయితే సినిమా ప్రొడక్షన్ విషయంలో చాలా పాఠాలు నేర్చుకున్న సూపర్ స్టార్ సొంతంగా G మహేష్ బాబు ఎంటర్టైన్మెంట్ ప్రొడక్షన్ ను స్టార్ట్ చేసిన విషయం తెలిసిందే. దాదాపు మహేష్ సినిమాలన్నింటికి దీన్ని బాగానే వాడేస్తున్నారు.
ఇక ప్రస్తుతం బయట హీరోలతో కూడా సినిమాలను నిర్మిస్తున్నడు మహేష్. అడివి శేష్ తో మేజర్ అనే సినిమా చేస్తున్నట్లు క్లారీటి ఇచ్చిన విషయం తెలిసిందే. అయితే ఆ సినిమా పూర్తవ్వకముందే మరో సినిమాను కూడా స్టార్ట్ చేసేందుకు మహేష్ చర్చలు జరుపుతున్నట్లు సమాచారం. ఏజంట్ సాయి శ్రీనివాస ఆత్రేయతో మంచి హిట్ అందుకున్న నవీన్ పొలిశెట్టిని హీరోగా ఫిక్స్ చేసుకున్నట్లు సమాచారం.
ఒక కొత్త దర్శకుడు చెప్పిన కథను విన్న నమ్రత శిరోద్కర్ కథపై చాలా నమ్మకాన్ని వ్యక్తం చేసిందట. ఇక మహేష్ కు కూడా నచ్చడంతో గ్రీన్ సిగ్నల్ ఇచ్చినట్లు టాక్. అయితే మేజర్ సినిమాకు సంబంధించిన మరో కీలక షెడ్యూల్ అనంతరం నవీన్ కు సంబంధించిన సినిమాపై క్లారిటీ ఇచ్చే అవకాశం ఉందట. ఇక ప్రస్తుతం మహేష్ బాబు సర్కారు వారి పాట అనే సినిమా చేస్తున్న విషయం తెలిసిందే.