కరోనా లాక్ డౌన్ తో అన్ని రంగాల కంటే రియల్ ఎస్టేట్ పై తీవ్రమైన పంచ్ పడిందన్నది ఓ విశ్లేషణ. ప్రపంచవ్యాప్తంగా 30 కోట్ల ఉద్యోగాలు పోవడంతో సొంత ఇంటి కలలుగన్న యువతరం ఇప్పట్లో ఈఎంఐలు కట్టలేని సన్నివేశం నెలకొంది. పోయిన ఉద్యోగాలేవీ ఇప్పట్లో తిరిగి వచ్చే సీన్ కూడా లేకపోవడంతో ఆ ప్రభావం ముఖ్యంగా ఈఎంఐలు కట్టే మధ్యతరగతి ఉద్యోగ జీవులపై పడిపోయిందని విశ్లేషిస్తున్నారు.
అయితే ఇలాంటి సన్నివేశంలో ప్రధాని ప్రకటించిన తాయిలాలతో రియల్ ఎస్టేట్ కి ఊపొచ్చినట్టేనా? అంటే అదేమీ అంత వీజీ కాదని అర్థమైపోయింది. రియల్టర్లకు 9 నెలల మారటోరియం.. భారీగా అప్పులు ఇవ్వాలని ప్రభుత్వం నిర్ణయించింది. 25 శాతం ట్యాక్స్ మినహాయింపుతో.. ? లిక్విడిటీ పెంచేయడంతో? రియల్టర్లకు ఊరట కలిగే ప్రకటన చేసింది. అయితే ఇది సరిపోతుందా? అంటే వేరొక కోణంలో చూస్తే కష్టమేనని విశ్లేషిస్తున్నారు.
రియల్ ఎస్టేట్ నిపుణులు బుధవారం రియల్ ఎస్టేట్ రంగానికి ప్రకటించిన మోడీ ప్రభుత్వ ఎకనామిక్ బూస్టర్ చాలా అవసరం అని స్వగతించారు. ఇది ఊపిరి పీల్చుకోనిస్తుందని ప్రకటించారు. ఎంఎస్ఎంఇలకు రుణ హామీలు ఇస్తున్నట్లు ప్రధాని నరేంద్ర ప్రకటించిన రూ .20 లక్షల కోట్ల ఆర్థిక ప్యాకేజీ వివరాలను ఆర్థిక మంత్రి వివరించిన కొద్ది క్షణాల్లో, రియల్టీ నిపుణులు ఈ చర్యను స్వాగతించారు. MSME ల లిక్విడిటీ (ద్రవ్యలభ్యత) రుణ ప్రకటనతో పాటు, ఆర్థిక మంత్రి రియల్ ఎస్టేట్ రంగానికి , కాంట్రాక్టర్లకు పెద్ద ఉపశమనాన్ని ప్రకటించారు. ఇది వృద్ధిని పెంచడానికి స్వావలంబన భారతదేశం వైపు ముందుకు సాగడానికి ఒక దశ అని పేర్కొన్నారు.
మార్చి 25 న లేదా తరువాత పూర్తి చేయాల్సిన అన్ని రియల్ ఎస్టేట్ ప్రాజెక్టులకు ఆరు నెలల పొడిగింపు అవకాశం లభిస్తుందని, స్థానిక సవాళ్లను పరిగణనలోకి తీసుకుని రియల్ ఎస్టేట్ రెగ్యులేటర్ (రెరా) కు మూడు నెలల పొడిగింపు ఇవ్వడానికి అనుమతిస్తామని దేశ ఆర్థిక మంత్రి నిర్మలా సీతారామన్ బుధవారం ప్రకటించారు. COVID-19 లాక్ డౌన్ కారణంగా నిర్మాణ పనులు నిలిచిపోతున్నందున అనేక ప్రాజెక్టులు ఆలస్యం కావడంతో ప్రభుత్వ ఈ ఉపశమన చర్యను చేపట్టింది.
ఫైనాన్సింగ్ కంపెనీలలో మరింత ద్రవ్యలభ్యతను పెంచేందుకు విధాన కార్యక్రమాల కొనసాగింపుగా, ఎన్బీఎఫ్ సీ / హెచ్ఎఫ్ సీ / ఎంఎఫ్ఐల ద్వారా రూ .30,000 కోట్ల వరకు రుణాలు తీసుకోవడానికి కొత్త విండో అందుబాటులోకి వచ్చింది. దీనికి ప్రభుత్వం హామీ ఇస్తుంది. పాక్షిక హామీ పథకం కింద రూ .45,000 కోట్లు రియల్ ఎస్టేట్ రంగానికి క్రెడిట్ ఇస్తుంది. స్థిరంగా, ఫైనాన్సింగ్ కంపెనీలు .. రియల్ ఎస్టేట్ ద్రవ్య సమస్యలను పరిష్కరించడానికి ప్రభుత్వం – ఆర్.బీ.ఐ ముఖ్యమైన చర్యలు తీసుకుంటున్నాయి. ఇంకా, లాక్ డౌన్ కాలానికి మించి రెరాలో ఉన్నవారికోసం ఆరు నెలలు పొడిగించడం ప్రాజెక్ట్ పూర్తయిన సమయపాలనలో డిఫాల్ట్ చేయని డెవలపర్లకు ఉపశమనం కలిగిస్తుందని `కొల్లియర్స్ ఇంటర్నేషనల్ క్యాపిటల్ మార్కెట్స్` (ఇండియా) మేనేజింగ్ డైరెక్టర్ పియూష్ గుప్తా అన్నారు. అత్యంత చురుకైన ఉద్దీపన ప్యాకేజీ సిరీస్ -1 ను మా ఆర్థిక మంత్రి ప్రకటించారని అన్నారు.
అనరోక్ ప్రాపర్టీ కన్సల్టెంట్స్ చైర్మన్ అనుజ్ పూరి మాట్లాడుతూ-“నేటి ప్రకటన ఆర్థిక వృద్ధిని ప్రోత్సహించడానికి స్వావలంబన భారతదేశాన్ని నిర్మించాలనే ప్రభుత్వ లక్ష్యానికి అనుగుణంగా ఉంది. రాబోయే కొద్ది రోజులలో ఆర్థిక మంత్రి చేయబోయే వరుస ప్రకటనలలో మొదటిది రియల్ ఎస్టేట్ రంగం, ఎన్బిఎఫ్సిఎస్ / హెచ్ఎఫ్సిలు.. ఎంఎస్ఎంఇలు మొదటి రోజున పెద్ద బూస్ట్ ని పొందాయి. రియల్ ఎస్టేట్ డెవలపర్లకు పెద్ద ఉపశమనం కల్పిస్తూ, ప్రభుత్వం ప్రాజెక్టు పూర్తి చేసే గడువు సహా రిజిస్ట్రేషన్ కోసం కాలపరిమితిని 6 నెలలు పొడిగించింది. దేశవ్యాప్తంగా నిర్మాణ కార్యకలాపాలు నిలిపివేయడంతో ఇది డెవలపర్లను గణనీయంగా దెబ్బతీసే పరిస్థితి. హోమ్ బయర్స్ వారి ఇళ్ల కోసం వేచి చూసే వీలును ప్రభుత్వ సాయం కల్పిస్తుంది“ అని అన్నారు. ప్రభుత్వ ప్యాకేజీ ఆసరానిచ్చేదే.. అయితే దానితో పాటే నిరుద్యోగం లేకుండా చేయగలిగితే కోల్పోయిన ఉద్యోగాల్ని తిరిగి వస్తేనే పూర్తి స్థాయిలో రియల్ రంగం కోలుకోగలదని పలువురు విశ్లేషిస్తున్నారు. జీతాల్లేవ్.. జీవించడానికి లేదు! అనుకున్నప్పుడు సొంతింటి కల నెరవేరేదెలా? అన్న ప్రశ్న ఎదురవుతోందని విశ్లేషిస్తున్నారు. నిరుద్యోగ పరిస్థితులు సద్ధుమణగాలంటే ఇంకా రెండేళ్లు పైగా పడుతుందని విశ్లేషిస్తుండగా, రియల్ రంగం తిరిగి కోలుకోవడానికి నాలుగేళ్లు పడుతుందని కొందరు నిపుణులు విశ్లేషించారు.