నాగార్జున మాఫియా డాన్ గా నటించిన డాన్, భాయ్ సినిమాలు బొక్క బోర్లా పడ్డాయి. మన్మధుడుగా నాగ్ ని చూసిన కళ్లతో హత్యలు, దందాలు చేసుకునే మాఫియాకు డాన్ గా చూడాలంటే కాస్త కష్టమే అనిపించింది. దాంతో డాన్ గా చేసిన ఆ రెండు సినిమాలను త్రిప్రికొట్టారు.
అప్పట్లో అంటే శివ లాంటి బ్లాక్ బస్టర్ వచ్చిన రోజుల్లోనూ నాగ్ ..అదే వర్మతో చేసిన మాఫియా సబ్జెక్టు అంతం కూడా అంతులేకుండా పోయింది. అయినా నాగ్ కు ఆ పాత్రపై మోజు పోలేదు. అందుకేనేమో మరోసారి మాఫియా డాన్ గా కనపడుతూ..తోడుగా నవ్వించటానికి నాని ని వెంటతెచ్చుకుని మరీ దేవ దాసు అనే సినిమా చేస్తున్నాడు. ఈ చిత్రం ట్రైలర్ రీసెంట్ గా విడుదలై మంచి క్రేజ్ తెచ్చుకుంది.
“అంతా భ్రాంతియేనా..” పాట బ్యాక్ గ్రౌండ్ లో వినిపిస్తూ ఉంటే నాని తన క్లినిక్ లో దిగాలుగా ఉండగా ఈ ట్రైలర్ ప్రారంభం అవుతుంది. నెక్స్ట్ షాట్ లో నానిని ఎవరో కిడ్నాప్ చేసి తీసుకెళ్ళి పోతారు. ఇక అలా ఎందుకు జరిగింది అనే సస్పెన్స్..తో క్యూరియాసిటీ క్రియేట్ చేసింది.
అలాగే ఫన్నీ మూవ్ మెంట్స్ మాత్రమే కాక… ఈ ట్రైలర్ లో ..సీరియస్ మాఫియా యాక్షన్ సీన్స్ కూడా ఉన్నాయి. నాగ్ లెఫ్ట్ హ్యాండ్ తో గన్ ని స్టైల్ గా తిప్పుతూ చేసే యాక్షన్ ఫ్యాన్స్ చేత గోల చేయిస్తాయి. పాత నాగ్ గుర్తు వస్తున్నాడు. ఈ డాన్ హిట్ కొట్టేటట్లు ఉన్నాడు.