ప్రముఖ దర్శకుడు క్రిష్ దర్శకత్వంలో ఎన్టీఆర్ బయోపిక్ ప్రతిష్టాత్మకంగా రూపొందుతోన్న సంగతి తెలిసిందే. మొదటిభాగమైన ‘కథానాయకుడు’ ఇప్పటికే షూటింగును పూర్తి చేసుకుని, పోస్ట్ ప్రొడక్షన్ పనులు జరుపుకుంటోంది.
సంక్రాంతి కానుకగా జనవరి 9వ తేదీన ఈ సినిమాను విడుదల చేస్తున్నారు. ఇక ‘మహానాయకుడు’ షూటింగు దశలో వుంది .. ఫిబ్రవరి 7వ తేదీన ఈ సినిమాను ప్రేక్షకుల ముందుకు తీసుకురానున్నారు.
ఈ నేపథ్యంలో ఈ రెండు భాగాలకు సంబంధించిన ఆడియోను రేపు విడుదల చేస్తున్నారు. అందుకోసం ఇండస్ట్రీ పెద్దలను స్వయంగా బాలయ్య వెళ్లి పిలుస్తున్నారు. అందులో భాగంగా సూపర్ స్టార్ కృష్ణ ఇంటికి వెళ్లి మరీ దగ్గరుండి ఆడియో వేడుకకు ఆహ్వానించారు. ఆ ఫొటోలు మీరు ఇక్కడ చూడవచ్చు.
ఇక ఈ ఆడియో వేడుకకు వేదిక గా..హైదరాబాద్ .. ఫిల్మ్ నగర్లోని జేఆర్సీ కన్వెన్షన్ మారుతోంది. రేపు సాయంత్రం 5 గంటల నుంచి ఈ వేడుక ప్రారంభం కానుంది. కీరవాణి అందించిన ఆడియోతో పాటు, ట్రైలర్ ను కూడా ఇదే వేదికపై లాంచ్ చేయనున్నారు.
ఎన్టీఆర్ గా బాలకృష్ణ ప్రధానమైన పాత్రను పోషిస్తుండగా, విద్యాబాలన్ .. నిత్యామీనన్ .. రకుల్ … హన్సిక .. రానా .. సుమంత్ ముఖ్యపాత్రల్లో కనిపించనున్నారు.