ఆపండి, మేము చిరుతో సినిమా చేయటం లేదు

By TR Political Desk on

గత కొద్ది రోజులుగా చిరంజీవి, వైజయంతి మూవీస్ కాంబినేషన్ లో మహానటి దర్శకుడు డైరక్షన్ లో సినిమా ప్రారంభం కానున్నదంటూ వెబ్ మీడియాలోనూ, సోషల్ మీడియాలోనూ వార్తలు వెల్లువ మొదలైంది. మహానటి రిలీజైనప్పుడు ఆ చిత్రం ప్రమేషన్ లో భాగంగా చిరు..త్వరలో ఆ దర్శకుడుతో సినిమా చేయబోతున్నట్లు చెప్పారు.

అది పాతాళభైరవిలాంటి సినిమా అంటూ హింట్ ఇచ్చారు. దాంతో చాలా మంది ఆ సినిమా వచ్చే నెలలో మొదలు కాబోతోందంటూ ప్రచారం చేస్తున్నారు.

ఈ విషయం వైజయంతి మూవీస్ దాకా వెళ్లింది. మీడియా వారు సైతం ఫోన్ లు చేసి అడగటం మొదలెట్టారు. వారు ఈ ప్రచారాన్ని ఆపాలనుకున్నారు. దాంతో తమ సోషల్ మీడియా పేజీలో ఈ విషయమై క్లారిటీ ఇచ్చారు.

‘వైజయంతి మూవీస్‌ తర్వాతి సినిమా చిరంజీవితో ఉంటుందని వస్తున్న వార్తల్లో నిజం లేదు. ఈ సంస్థ, చిరంజీవి కాంబినేషన్‌లో నాలుగు బ్లాక్‌బస్టర్స్‌ వచ్చాయి. ఐదో సినిమా తీసేలా ఉంటే గర్వంగా మేమే ప్రకటిస్తాం’ అని ఆ ట్వీట్ సారాంశం.

ఇక  ‘జగదేక వీరుడు అతిలోక సుందరి’, ‘చూడాలని ఉంది’, ‘ఇంద్ర’, ‘జై చిరంజీవ’ సినిమాలను చిరు హీరో గా వైజయంతి మూవీస్‌ సంస్థ నిర్మించింది.