ఈ సంక్రాంతి బరిలో వెంకటేష్ తనదైన స్టైల్ కామెడీ ‘ఎఫ్ 2’తో దూసుకువస్తున్న సంగతి తెలిసిందే. అయితే అటు ఎన్టీఆర్ బయోపిక్, ఇటు మాస్ సినిమా వినయ విధేయ రామ మధ్యలో ఈ సినిమా వర్కవుట్ అవుతుందా అని చాలా మంది సందేహపడుతున్నారు. అయితే సంక్రాంతికి ఫెరఫెక్ట్ సీజన్ సినిమా ఇదే అని ఈ రోజు రిలీజైన పాటతో అర్దమవుతోంది.
సంక్రాంతికి(జ‌న‌వ‌రి 12న) విడుదల కాబోతున్న ఈ సినిమాకి సంబంధించి ప్ర‌మోష‌న్ కార్య‌క్ర‌మాల‌ని వేగ‌వంతం చేశారు. తాజాగా శ్రీమ‌ణి లిరిక్స్ అందించిన ఎంతో ఫ‌న్ అనే లిరిక‌ల్ సాంగ్ వీడియోని విడుదల చేశారు. ఈ పాట ప్ర‌తి ఒక్క‌రిని అల‌రిస్తోంది. వెంకీ, త‌మ‌న్నా కెమిస్ట్రీ బాగుంది. ఇప్పటికే విడుదలైన ప్రోమోలు, పాటలతో ఈ సంక్రాంతి విన్నర్ గా ఎఫ్ 2 కూడా గట్టి పోటీ ఇస్తుందనటంలో సందేహం లేదనిపిస్తోంది.
విక్టరీ వెంక‌టేశ్‌, మెగా ప్రిన్స్ వరుణ్ తేజ్ హీరోలుగా మిల్కీబ్యూటీ త‌మ‌న్నా, మెహ‌రీన్ కౌర్ హీరోయిన్లుగా రూపొందిన చిత్రం ‘ఎఫ్ 2’. ‘ఫ‌న్ అండ్ ఫ్రస్టేష‌న్’ అనేది ట్యాగ్‌లైన్‌. దేవి శ్రీ ప్రసాద్ సంగీతం అందిస్తున్న ఈ చిత్రంలో రాజేంద్ర ప్రసాద్ కీల‌క పాత్ర‌లో క‌నిపించ‌నున్నాడు.
వెంకీ, వరుణ్ తోడళ్లుళ్లుగా కనిపించనున్న ఈ చిత్రం ప్రేక్ష‌కుల‌కి మంచి ఎంట‌ర్‌టైన్‌మెంట్ అందించ‌డంలో ఎలాంటి సందేహం లేద‌ని అంటున్నారు. ప్రముఖ నిర్మాణ సంస్థ శ్రీ వెంక‌టేశ్వర క్రియేష‌న్స్ బ్యాన‌ర్‌పై హిట్ చిత్రాల నిర్మాత దిల్ రాజు నిర్మాణ సారథ్యంలో రూపుదిద్దుకున్న ఈ ఫ‌న్ రైడర్‌ను యంగ్ డైరెక్టర్ అనిల్ రావిపూడి తెర‌కెక్కించారు.