ఆది సాయికుమార్ సాయికుమార్ కొడుకు ఇండస్ట్రీకి వచ్చి ఎనిమిదేళ్లవుతోంది. కానీ ఈ ఎనిమిదేళ్లలో హిట్ మూవీ ఒక్కటి కూడా లేదు. దాదాపు పది సినిమాల దాకా చేశాడు కానీ.. వాటిలో కెరీర్ ఆరంభంలో చేసిన ప్రేమకావాలి, లవ్లీ ఓ మోస్తరుగా ఆడాయి తప్పితే.. మిగతావన్నీ డిజాస్టర్లే. ఈ ఏడాది అతడి నుంచి వచ్చిన ‘బుర్రకథ’, ‘జోడి’ సినిమాలు ఎప్పుడు వ‌చ్చాయో ఎప్పుడు వెళ్లిపోయాయో కూడా ఎవ్వ‌రికీ తెలియ‌వు. . ఉన్న కాస్త మార్కెట్ కూడా జీరో అయిపోయాయి. ఇంకా ఆది సాయికుమార్ అని తండ్రి పేరుతోనే ఆదికి గుర్తింపు వ‌స్తుంది కానీ త‌న‌కంటూ ప్ర‌త్యేకంగా \ గుర్తింపు సంపాదించుకోలేకపోయాడు. ఐతే మార్కెట్ జీరో అయిపోయినా.. ఇలా వరుసగా ఫ్లాపులిస్తూనే ఉన్నా.. ఆదికి అవకాశాలు మాత్రం ఆగట్లేదు.
నిన్న పుట్టిన‌రోజు సంద‌ర్భంగా ఆది కొత్త సినిమాలు మూడు అనౌన్స్ కావడం విశేషం. శ్రీనివాస్ నాయుడు నడికట్ల అనే కొత్త దర్శకుడితో ‘శశి’ పేరుతో ఆది ఒక ఇంటెన్స్ లవ్ స్టోరీ చేస్తున్నాడు . ఇందులో ఆది సింగర్ పాత్రలో కనిపించనున్నాడు. గడ్డంతో డిఫరెంట్‌గా కనిస్తున్నాడతను. ఇది కాక శివ శంకర్ దేవ్ అనే కొత్త దర్శకుడితో ఆది డిఫరెంట్ థ్రిల్లర్ కూడా చేస్తున్నాడు ఆది.
ఇది కాక మహంకాళి మూవీస్ అనే మరో బేనర్లో జీబీ కృష్ణ అనే డెబ్యూ డైరెక్టర్ కూడా ఆది హీరోగా సినిమా చేస్తున్న సంగతి వెల్లడైంది. ఈ మూడు సినిమాలూ కొత్త దర్శకులు, కొత్త నిర్మాతలతోనే చేస్తున్నాడు ఆది. ఇవేవీ పెద్ద సినిమాలు కాకపోయినా.. ఆదితో సినిమాలు చేయడానికి ఇంతమంది దర్శకులు, నిర్మాతలు ముందుకొస్తుండటం విశేషమే. ఇందులో సాయికుమార్ పాత్ర కీలకంగా ఉంటుందనడంలో సందేహం లేదు. మ‌రి తండ్రి ఇండ‌స్ట్రీలో అంత మంచి పేరు తెచ్చుకున్నా కొడుకుకి మాత్రం అస్స‌లు గుర్తింపు రాలేదు.
సస్పెన్స్ థ్రిల్లర్ నేపథ్యంలో తెరకెక్కుతున్న ఈ సినిమా షూటింగ్ జనవరి నుండి ప్రారంభం కానుంది. ఆది సాయికుమార్ చేసిన గత సినిమాల కంటే ఈ సినిమాలో భిన్నంగా ఉంటుందని తెలిపారు. వేగంగా ప్రీ ప్రొడక్షన్ పనులు పూర్తి చేసిన ఈ చిత్రం షూటింగ్ జనవరిలో స్టార్ట్ చేసి సింగల్ షెడ్యూల్ లో పూర్తి చేసి సమ్మర్ లో విడుదల చెయ్యడానికి ప్లాన్ చేస్తున్నట్లు తెలిపారు. కథ నచ్చడంతో ఎక్కడా రాజీ పడకుండా క్వాలిటీగా సినిమము నిర్మించబోతున్నట్లు నిర్మాత మహంకాళి దివాకర్ తెలిపారు. ఈ చిత్రంలో నటించబోయే ఇతర నటీనటులు సాంకేతిక నిపుణుల వివరాలు చిత్ర యూనిట్ త్వరలో తెలియజేయనుంది.