టాలీవుడ్ హంక్ రానా న‌టిస్తున్న త్రిభాషా చిత్రం `హాథీ మేరే సాథీ` మ‌రో లుక్ వ‌చ్చేసింది. వెరైటీ చిత్రాల ద‌ర్శ‌కుడు ప్ర‌భు సాల్మ‌న్ ఈ చిత్రాన్ని రూపొందిస్తున్నారు. రానాతో పాటు ఈ చిత్రంలో త‌మిళ న‌టుడు విష్ణు విశాల్, హిందీ భామ‌లు జోయా హుస్సేన్‌, శ్రియ పిల్గావ్‌క‌ర్ కీల‌క పాత్ర‌ల్లో న‌టిస్తున్నారు. ఇరోస్ ఇంట‌ర్నేష‌న్ సంస్థ నిర్మిస్తోంది. హిందీలో `హాథీ మేరే సాథీ`గా, త‌మిళంలో `కాడ‌న్‌`గా రాబోతున్న ఈ చిత్రానికి తెలుగులో `అరణ్య` అనే టైటిల్‌ని ఫైన‌ల్ చేశారు. రానా కార‌ణంగా గ‌త కొన్ని నెల‌లుగా ఈ ప్రాజెక్ట్ డిలే అవుతూ వ‌స్తోంది.
సోమ‌వారం ఈ చిత్ర మూడు భాష‌ల‌కు సంబంధించిన ఫ‌స్ట్‌లుక్ పోస్ట‌ర్‌ల‌ని చిత్ర బృందం రిలీజ్ చేసింది. ఒక పోస్ట‌ర్‌లో రానా క‌నిపిస్తున్న లుక్ ఆక‌ట్టుకుంటోంది. మ‌రో పోస్ట‌ర్‌లో త‌మిళ హీరో విష్ణు విశాల్ లుక్ నేచుర‌ల్‌గా వుంది. మావాటి వాడికి, ఓ ఏనుగుకి మ‌ధ్య సాగే ఎమోష‌న‌ల్ జ‌ర్నీ నేప‌థ్యంలో ఈ చిత్రాన్ని రూపొందిస్తున్నారు. అడ‌విలోనే వుంటూ త‌న చుట్టూ వున్న జంతువుల ర‌క్ష‌ణ కోసం ఏం చేశాడ‌న్న నేప‌థ్యంలో ఈ చిత్ర క‌థ సాగుతుంద‌ట. హాలీవుడ్ చిత్రాల త‌ర‌హా మేకింగ్‌, టేకింగ్‌తో ఈ సినిమా వుండ‌బోతోందని, లైఫ్ ఆఫ్ పై, థోర్ చిత్రాల‌కు వీఎఫ్ ఎక్స్‌ని అందించిన ప్రాణ స్టూడియోస్ ఈ చిత్రానికి గ్రాఫిక్స్‌ని అందిస్తుండ‌గా, ర‌సూల్ పోకుట్టి సౌండ్ డిజైనింగ్ చేస్తున్నారు. ఏప్రిల్ 2న మూడు భాష‌ల్లోనూ ప్ర‌పంచ వ్యాప్తంగా విడుద‌ల కాబోతోంది.