టాలీవుడ్‌లో హీరోయిన్‌ల కొర‌త వుంది. చిన్న హీరోల నుంచి పెద్ద హీరోల వ‌ర‌కు హీరోయిన్ దొర‌క్క నానా ఇబ్బందులు పడుతున్నారు. సీనియ‌ర్ హీరోలు చిరంజీవి, బాల‌కృష్ణ, నాగార్జున, వెంక‌టేష్ హీరోల కోసం ఎదురుచూడాల్సిన ప‌రిస్థితి. చిరు సినిమా నుంచి త్రిష త‌ప్పుకోవ‌డంతో ఆ స్థానంలో కాజ‌ల్‌ని ఒప్పించ‌డానికి భారీగా పారితోషికం అంద‌జేయాల్సి వ‌చ్చింది. బాల‌య్య‌కు హీరోన్ సెట్ట‌వ్వ‌క‌పోవ‌డంతో చివ‌రికి ఎవ‌రు దొరికితే వారితో అడ్జ‌స్ట్ అయిపోతున్నారు.
నాగ్ ప‌రిస్థితీ అంతే `వైల్డ్ డాగ్` కోసం హీరోయిన్ ఎవ‌రూ సెట్ కాక‌పోవ‌డంతో బాలీవుడ్ ఫేడ‌వుట్ హీరోయిన్ దియా మీర్జాతో స‌రిపెట్టుకోవాల్సి వ‌చ్చింది. వెంకీ ప‌రిస్థితీ అందుకు భిన్నంగా ఏమీ లేదు. సీనియ‌ర్ హీరోల ప‌రిస్థితి ఇలా వుంటే స్టార్ హీరోల‌కు పూజా హెగ్డేనే పెద్ది దిక్కుగా మారింది. ఆ త‌రువాత స్టార్స్ అత్య‌ధికంగా ఇంట్రెస్ట్ చూపిస్తున్న హీరోయిన్ రష్మిక మంద‌న్న. ఇటీవ‌ల మ‌హేష్‌తో `స‌రిలేరు నీకెవ్వ‌రు`, నితిన్‌తో `భీష్మ` వంటి హిట్ చిత్రాల్లో న‌టించి క్రేజీ హీరోయిన్‌గా పేరు తెచ్చుకుంది.
తాజాగా అల్లు అర్జున్‌తో సుకుమార్ చిత్రంలో జ‌త‌క‌డుతోంది. క‌రోనా వైర‌స్ కార‌ణంగా ఈ సినిమా షూటింగ్ వాయిదా ప‌డటంతో ప్ర‌స్తుతం ఖాలీగా వుంది. త‌మిళంలో కార్తితో క‌లిసి `సూల్తాన్` చిత్రంలో న‌టిస్తున్న‌ర‌ష్మ‌కపై మెగా హీరో రామ్‌చ‌ర‌ణ్ క‌న్నుప‌డింద‌ట. మెగాస్టార్ చిరంజీవి న‌టిస్తున్న `ఆచార్య` చిత్రంలో రామ్‌చ‌ర‌ణ్ కీల‌క అతిథి పాత్ర‌లో న‌టిస్తున్న విష‌యం తెలిసిందే. ఈ చిత్రంలో రామ్‌చ‌ర‌ణ్‌కు జోడీగా ర‌ష్మిక‌ని ద‌ర్శ‌కుడు కొర‌టాల సంప్ర‌దించార‌ట. మెగా ఆఫ‌ర్ త‌లుపు త‌ట్ట‌డంతో రష్మిక వెంట‌నే ఓకే చెప్పేసింద‌ట. తాజా ప‌రిస్థితులు ఓ కొలిక్కి వ‌చ్చాక ఏప్రిల్ నుంచి ఈ చిత్ర షూటింగ్ ప్రారంభించ‌నున్నార‌ట.