ప్ర‌పంచం క‌రోనా మ‌హ‌మ్మారి కార‌ణంగా వ‌ణికిపోతోంది. ఇట‌లీ, స్పెయిన్‌, అమెరికా దేశాల్లో జ‌నం పిట్ట‌ల్లా రాలిపోతున్నారు. మ‌న దేశంలోనూ దీని ప్ర‌భావం మొద‌లైంది. దీని గ‌మ‌నించిన కేంద్ర రాష్ట్ర ప్ర‌భుత్వాలు దేశ వ్యాప్త‌గా లాక్ డౌన్‌ని విధించాయి. ఈ నెల 14న ముగుస్తుంద‌నుకున్న లాక్ డౌన్ క‌రోనా పాజిటివ్ కేసుల పెరుగుతుండ‌టంతో మే 3కు పొడిగించారు.
దీంతో చాలా సినిమాల షెడ్యూల్స్‌, రిలీజ్ డేట్‌లు మారిపోయాయి. అయితే బోయ‌పాటి మాత్రం నో కాంప్ర‌మైజ్ అంటున్నాడు. నంద‌మూరి బాల‌కృష్ణ హీరోగా బోయ‌పాటి శ్రీ‌ను ఓ భారీ యాక్ష‌న్ ఎంట‌ర్‌టైన‌ర్‌ని రూపొందిస్తున్నాడు. ఇటీవ‌లే కీల‌క షెడ్యూల్‌ని పూర్తి చేశారు. ఇందులో బాల‌య్య అఘోరాగా క‌నిపించ‌బోతున్నారు. ఈ వార్తే బాల‌య్య అభిమానుల‌ను షాక్ కు గురిచేస్తోంది. బాల‌య్య ఏంటీ అఘోరా ఏంట‌ని షాక‌వుతున్నారు.
ఇదిలా వుంటే మిర్యాల ర‌వీంద‌ర్‌రెడ్డి నిర్మిస్తున్న ఈ చిత్రాన్ని అక్టోబ‌ర్‌లో ద‌స‌రాకు ప్రేక్ష‌కుల ముందుకు తీసుకురావాల‌ని ఇంత‌కు ముందే ఫిక్స‌య్యారు. తాజా ప‌రిణామాల నేప‌థ్యంలో ఈ డేట్ మారే అవకాశం వుంద‌ని ప్ర‌చారం జ‌రుగుతుంటే ఆ డేట్ విష‌యంలో నో కాంప్ర‌మైజ్ అని బోయ‌పాటి చెబుతున్నాడ‌ట. ఏంటీ కాన్ఫిడెన్స్‌. అది అయ్యే ప‌నేనా అని ఇండ‌స్ట్రీ వ‌ర్గాలు బోయ‌పాటిపై సెటైర్లు వేస్తున్నారు.