క‌రోరా ఎఫెక్ట్ ఎవ్వ‌రినీ వ‌ద‌ల‌డం లేదు. చైనాలో డిసెంబ‌ర్‌లో మొద‌లైన ఈ ప్ర‌ళ‌యం ఇప్పుడు ప్ర‌పంచ విళ‌యంగా మారింది. చైనా చేసిన త‌ప్పిదానికి ఇప్పుడు యావ‌త్ ప్ర‌పంచం భారీ మూల్యం చెల్లించ‌క త‌ప్ప‌డం లేదు. ఎక్క‌డి వారు అక్క‌డే అంటూ తెలుగు రాష్ట్రాల్లో లాక్‌డౌన్ విధించ‌డం, దీనికి కేంద్రం కూడా ఆమోదం తెల‌ప‌డంతో జ‌న జీవితం ఎక్క‌డిక‌క్క‌డే స్థంభించిపోయింది. క‌రోనా ఎఫెక్ట్ కార‌ణంగా సినీ ప‌రిశ్ర‌మ‌పై భారీ ప్ర‌భావం ప‌డింది. మార్చ తొలి వారంలో విడుద‌లైన చిత్రాల‌తో పాటు విడుద‌ల కావాల్సిన చిత్రాల‌పై దీని ప్ర‌భావం గ‌ట్టిగానే ప‌డింది.
ఇక ఏప్రిల్ లో రిలీజ్ చేయాల‌నుకున్న చిత్రాల ప‌రిస్థితి మరీ దారుణంగా మారింద‌ని తెలుస్తోంది. ఇప్ప‌టికే ప‌లు తెలుగు చిత్రాలు వాయిదా ప‌డ్డాయి. అయితే తెలుగు, త‌మిళ భాష‌ల్లో ఏక‌కాలంలో రిలీజ్ చేయాల‌నుకున్న సూర్య చిత్రానికి కొత్త‌గా ఇబ్బందులు మొదల‌య్యాయ‌ట. సూర్య న‌టిస్తున్న త‌మిళ చిత్రం `సూర‌రాయిపోట్రు`. సుధా కొంగ‌ర ద‌ర్శ‌కురాలు. ఇదే చిత్రాన్ని తెలుగులో `ఆకాశ‌మే నీహ‌ద్దురా` పేరుతో రిలీజ్ చేస్తున్నారు. రిలీజ్‌కి ముందే సినిమా బిజినెస్ పూర్త‌యింది. భారీ లాభాల‌కే సినిమా అమ్మారు. అయితే పోస్ట్ ప్రొడ‌క్ష‌న్ కార్య‌క్ర‌మాలు ఇంకా పెండింగ్‌లోనే వున్నాయి. కేంద్రం ప్ర‌క‌టించిన లాక్‌డౌన్ కార‌ణంగా ఆ ప‌నులు ముందుకు సాగ‌ని ప‌రిస్థితి. దీంతో సూర్య‌కు కొత్త ఇబ్బందులు మొద‌లైన‌ట్టు వినిపిస్తోంది. స‌మ్మ‌ర్ పోటీ నుంచి సినిమాని త‌ప్పిస్తే కొన్న‌వారు ఒత్తిడి తెచ్చే అవ‌కాశం వుంది. దీంతో సూర్య టెన్ష‌న్ ప‌డుతున్నార‌ట.