టాలీవుడ్‌లో వ‌రుస విజ‌యాల‌ని సొంతం చేసుకుంటూ ఒక్కో మెట్టు ఎక్కుతున్న స్టార్ డైరెక్ట‌ర్ అనిల్ రావిపూడి. ఇటీవ‌ల సంక్రాంత‌కి మ‌హేష్‌తో `స‌రిలేరు నీకెవ్వ‌రు`తో బ్లాక్ బ‌స్ట‌ర్ హిట్‌ని సొంతం చేసుకున్నాడు. దిల్ రాజుతో క‌లిసి అనిల్ సుంక‌ర నిర్మించిన ఈ చిత్రంతో అనిల్ సుంక‌ర టాప్ డైరెక్ట‌ర్‌ల లిస్ట్‌లో చేరిపోయాడు.
ఈ మూవీ అనిల్ రావిపూడికి చాలా ఇచ్చింది. ద‌ర్శ‌కుడిగా త‌న స్థాయిని మార్చింది. అదే స‌మ‌యంలో ఈ సినిమా ప్రీరిలీజ్ స‌మ‌యంలోనే త‌న భార్య ఓ పండంటి బాబుకు జ‌న్మ‌నిచ్చింది. దీంతో ఈ సినిమాకు గుర్తుగా అనిల్ రావిపూడి త‌న కొడుకు పేరుని అజయ్ సూర్యాన్ష్ అని పేరు పెట్టాడు. `స‌రిలేరు నీకెవ్వ‌రు` చిత్రంలో హీరో మ‌హేష్ పాత్ర పేరు అజయ్. ఆ పేరు క‌లిసి వ‌చ్చేలా త‌న కొడుకు పేరుకి అజయ్ పేరుని జోడించి అజయ్ సూర్యాన్ష్ అని నామ‌క‌ర‌ణం చేశాడు.
ఈ విష‌యాన్ని అనిల్ రావిపూడి స్వ‌యంగా వెల్ల‌డించాడు. ప్ర‌స్తుతం అనిల్ రావిపూడి `ఎఫ్‌3` స్క్రిప్ట్‌ని సిద్ధం చేస్తున్నాడు. ఇందులో వెంక‌టేష్‌, వ‌రుణ్ తేజ్‌ల‌కు మాత్ర‌మే చోటుంటుంద‌ని, త‌మ‌న్నా, మెహ‌రీన్‌ల‌కు ఇందులో చోటు ద‌క్క‌ద‌ని ప్ర‌చారం జ‌రిగింది. కానీ తాజాగా వారిని కూడా `ఎప్‌3`లో కంటిన్యూ చేస్తున్న‌ట్టు వెల్ల‌డించ‌డం ఆస‌క్తిక‌రంగా మారింది.