‘RX100 ‘ చిత్రం తో హీరో గా గుర్తింపు తెచ్చుకున్న కార్తికేయ ఆ తదుపరి సినిమాతో ఆ విజయాన్ని కొనసాగించలేకపోయాడు. ఈ క్రమంలో విలన్ గా చేసిన ‘గ్యాంగ్ లీడర్’ సినిమాలో అతని నటనకి మంచి ఆదరణే లభించింది. కానీ ప్రేక్షకులు తేరుకునేలోపు మళ్ళీ హీరోగా తన కొత్త సినిమాతో మన ముందుకు వస్తున్నాడు.
ఈ సినిమా పేరు ’90 ఎం.ఎల్’. ఈ చిత్రం కూడా కార్తికేయ క్రియేటివ్ వర్క్స్ బ్యానర్ పై తెరకెక్కుతోంది. ఈ చిత్రం టీజర్ కు విశేష స్పందనే వస్తోంది. చూడబోతే ప్రేక్షకులను మంచి వినోదాల విందునే అందిస్తారని తెలుస్తోంది. ఈ చిత్రంలో కార్తికేయ సరసన నేహా సోలంకి నటిస్తోంది. ఈ చిత్రానికి అనూప్ రూబెన్స్ సంగీతం అందిస్తున్నారు.