Home Tollywood 'వాల్మీకి' కి తెలంగాణ హై కోర్ట్ షాక్

‘వాల్మీకి’ కి తెలంగాణ హై కోర్ట్ షాక్

‘వాల్మీకి’ టీమ్ కు హైకోర్టు నోటీసులు

ఇంకో వారం రోజుల్లో సినిమా విడుదల కానుందనగా ఇప్పుడు తెలంగాణ హై కోర్ట్ వాల్మీకికి సూపర్ షాక్ ఇచ్చింది. ఈ చిత్ర టైటిల్‌పై ముందు నుంచి కూడా వివాదం నడుస్తూనే ఉంది. తాజాగా ఈ సినిమాపై హై కోర్టులో విచారణ జరిగింది. ఈ సినిమా టైటిల్ తమ కులస్తులను కించపరిచే విధంగా ఉందని, వాల్మీకి అనే టైటిల్ ను తొలగించాలని బోయ హక్కులు పోరాట సమితి హైకోర్టులో పిటిషన్ వేసింది.

ఈ పిటిషన్ పై శుక్రవారం విచారణ జరిపిన హైకోర్టు.. సెన్సార్ బోర్డు, ఫిల్మ్ ఛాంబర్, ప్రొడ్యూసర్, డీజీపీ, హీరో వరుణ్ తేజ్ కు నోటీసులు జారీ చేసింది. 4 వారాల్లో పూర్తి వివరాలతో కౌంటర్ దాఖలు చేయాలని స్పష్టం చేసింది. తదుపరి విచారణను నాలుగు వారాలకు వాయిదా వేసింది.

రీసెంట్ గా ఒక ఇంటర్వ్యూలో దర్శకుడు హరీష్ శంకర్ మాట్లాడుతూ వాల్మీకి మార్పుకు సంకేతమని.. ఈ సినిమా ప్రజలను ఒక విషయంలో చైతన్యం తీసుకొస్తోందని అన్నాడు. దానికి ఒక ఉదాహరణ కూడా చెప్పాడు. ఈమధ్య హరీష్ స్నేహితుడు అతని కుమారుడిని ‘వాల్మీకి ఎవరు?’ అని ప్రశ్నించాడట. ఆ చిన్న బాబు తడుముకోకుండా ‘వరుణ్ తేజ్’ అని బదులిచ్చాడట. దీంతో అసలు వాల్మీకి మహర్షి ఎవరు.. మన చరిత్రలో ఆయనకు ఎలాంటి ప్రత్యేక స్థానం ఉంది అంటూ అ బాబుకు వివరించారట.

ఈ సినిమాలో కథ ప్రకారం …ఓ దుర్మార్గుడైన రౌడీ షీటర్ లో ఓ సినీ దర్శకుడి వల్ల మార్పు వస్తుంది. వాల్మికి కథ కూడా అంతే. ఒక దొంగ‌లోని ప‌రివ‌ర్త‌న అన్న‌ది వాల్మీకి క‌థ‌. అందుకే వాల్మికిని గుర్తు చేసేందుకు ఈ కథ కు ఈ టైటిల్ పెట్టారు.

హరీశ్ శంకర్ దర్శకత్వం వహించిన ఈ చిత్రం నెల 20 న విడుదల కానుంది. తమిళ హీరో అధర్వ, హీరోయిన్ పూజా హెగ్డే ఈ సినిమాలో ప్రధాన పాత్రలు పోషిస్తున్నారు. ఈ చిత్రానికి సినిమాటోగ్రఫీ: అయనంకా బోస్‌, కథ: కార్తీక్‌ సుబ్బరాజ్‌, స్క్రీన్‌ప్లే: మధు, చైతన్య, ఆర్ట్‌: అవినాష్‌ కొల్ల, ఎడిటింగ్‌: ఛోటా కె.ప్రసాద్‌, ఫైట్స్‌: రామ్‌లక్ష్మణ్‌, ఎగ్జిక్యూటివ్‌ ప్రొడ్యూసర్‌: హరీష్‌ కట్టా, నిర్మాతలు: రామ్‌ ఆచంట, గోపీ ఆచంట, మాటలు-దర్శకత్వం: హరీష్‌ శంకర్‌.

- Advertisement -

Related Posts

అదృష్టం కొద్దీ అభిజిత్ గెలిచాడట.. మంట పెట్టేసిన మోనాల్

బిగ్ బాస్ షోలో ఉన్నంత వరకు ఒకరకమైన మోనాల్‌ను చూస్తే.. బయటకు వచ్చాక మరో రకమైన మోనాల్‌ను చూస్తున్నట్టుంది. బయటకు వచ్చాక తన పరిస్థితి తాను ఏ స్థానంలో ఉందో తెలుసుకుంది. తన...

కులం పేరుతో పిలిచిన నిర్మాత.. స్టేజ్ మీదే కరెక్ట్ చేయించిన జగపతిబాబు

జగపతి బాబు కులానికి వ్యతిరేకమన్న సంగతి అందరికీ తెలిసిందే. ఓ ఇంటర్వ్యూలో మాట్లాడుతూ కూడా కులాల గురించి సెన్సేషనల్ కామెంట్స్ చేశాడు. ఇండస్ట్రీలోనూ కుల భావన ఉంది గానీ తనకు మాత్రం అలాంటి...

ఎంత క్యూట్‌గా ఉన్నాడో.. ముంబైకి బయల్దేరిన మహేష్ బాబు

మహేష్ బాబు ఫోటోలు ఈ మధ్య సోషల్ మీడియాలో తెగ వైరల్ అయ్యాయి. మంచు విష్ణు భార్య వెరానిక బర్త్ డే సందర్భంగా మహేష్ బాబు తన ఫ్యామిలీతో సహా ఆ పార్టీలో...

రౌడీ ఫ్యాన్స్‌కి గుడ్ న్యూస్ …”లైగ‌ర్” విజయ్ ఫ‌స్ట్ లుక్ విడుదల

టాలీవుడ్ రౌడీ స్టార్ విజయ్ దేవరకొండ రంగంలోకి దిగేసాడు. ఇస్మార్ట్ శంకర్ లాంటి భారీ హిట్ తర్వాత పూరి జగన్నాథ్ దర్శకత్వంలో విజయ్ దేవరకొండ హీరోగా ఓ పవర్‌ఫుల్‌ యాక్షన్‌, లవ్‌ ఎంటర్‌టైనర్‌...

Latest News