ప్రపంచవ్యాప్తంగా ప్రముఖ సెలబ్రిటీ ల మైనపు బొమ్మలను అచ్చం అలాగే చేసి వారి సంగ్రహాలయం లో వీక్షకుల సందర్శనార్ధం ఉంచడం మేడం టుస్సాడ్స్ మ్యుసియమ్ పని. తాజాగా మహేష్ బాబు మైనపు బొమ్మను కూడా ఆవిష్కరించారు. ఇలాగే మన అమితాబ్, సలీమాన్ ఖాన్, షారుఖ్ ఖాన్ ఇలా చాంతాడంత ఉంది లిస్టు.
తాజాగా ఈ లిస్టు లోకి శ్రీదేవి కూడా చేరింది. ఆమె గతేడాది మరణించగా ఆమె పాపులారిటీ ని దృష్టిలో పెట్టుకుని ఆమె మైనపు బొమ్మను కూడా చేసి పెట్టింది. శేఖర్ కపూర్ మిస్టర్. ఇండియా లోని ఒకానొక శ్రీదేవి స్టిల్ ని నమూనాగా తీసుకుంది. ఈ మైనపు బొమ్మను ఆవిష్కరించడానికి శ్రీదేవి కుటుంబం కూడా హాజరు అయింది. తీరా తెర తీస్తే ఆమె బొమ్మను చూసి ఆశ్చర్య పోవడం వీక్షకుల వంతైంది.
అసలు ఏ మాత్రం ఆమె అందానికి దగ్గరగా లేదని దుమ్మెత్తి పోస్తున్నారు నెటిజన్లు. శ్రీదేవి అందాన్ని మలచడంలో ఎందుకంత అలసత్వం చూపించారు. ఏదో తు తు మంత్రంగా ఎందుకు ఇలా చేశారు అని అందరూ ఆ మ్యూసియం బృందాన్ని ఆడిపోసుకుంటున్నారు.