బెన‌ర్జీకి జంధ్యాల మెమోరియ‌ల్ అవార్డ్

తెలుగు సినీప‌రిశ్ర‌మ‌లో మూడు ద‌శాబ్ధాల సుదీర్ఘ అనుభ‌వం ఉన్న న‌టుడు బెన‌ర్జీ. అసిస్టెంట్ డైరెక్ట‌ర్ గా కెరీర్ ప్రారంభించి అటుపై న‌టుడు అయ్యారు. విల‌న్ గా, క్యారెక్ట‌ర్ ఆర్టిస్టుగా ప‌లు విజ‌య‌వంత‌మైన చిత్రాల్లో న‌టించారు. ప‌రిశ్ర‌మ‌కు ఆయ‌న చేసిన సేవ‌ల్ని గుర్తించి ఆయ‌న‌కు జంధ్యాల మెమోరియ‌ల్ పుర‌స్కారాన్ని అందించ‌నున్నార‌ని తెలుస్తోంది. ఈనెల 28న విజ‌య‌వాడ‌లో జ‌ర‌గ‌నున్న 3 రోజుల సుమ‌ధుర క‌ళానికేత‌న్స్ 24వ కామెడీ డ్రామా కాంపిటీష‌న్స్ లో బెన‌ర్జీకి ఈ పుర‌స్కారాన్ని అందించ‌నున్నారు. ఈ వేదిక‌పై ఆయ‌న‌ను ప‌లువురు రాజ‌కీయ ప్ర‌ముఖులు.. తెలుగు సినీప‌రిశ్ర‌మ‌కు చెందిన ప‌లువురు స‌న్మానించ‌నున్నారు. విజ‌య‌వాడ‌ పీబీ సిద్ధార్థ ఆర్ట్స్ అండ్ సైన్స్
ఆడిటోరియంలో ఈ కార్య‌క్ర‌మం జ‌ర‌గ‌నుంది.

జ‌న‌తా గ్యారేజ్, కిక్, మ‌ల్లేశ్వ‌రి, స‌మ‌ర్థుడు, శంక‌ర్ దాదా ఎంబీబీఎస్‌, అప్పారావు డ్రైవింగ్ స్కూల్, చంటి, కిల్ల‌ర్, రక్ష‌ణ‌, గాయం లాంటి బ్లాక్ బ‌స్ట‌ర్ చిత్రాల్లో బెన‌ర్జీ అద్భుత‌మైన పాత్ర‌ల్లో న‌టించారు. మూవీ
ఆర్టిస్టుల సంఘం (మా)లోనూ ప‌లు విభాగాల్లో ఆయ‌న‌ కీల‌క బాధ్య‌త‌లు నిర్వ‌ర్తించారు.