పవన్ సిగ్గుపడటం గురించి చెప్పిన సమంత
తెరమీద హీరో కావచ్చు కానీ నార్మల్ గా వాళ్లు మనష్యులే .వాళ్లకి అన్ని ఎమోషన్స్ ఉంటాయి. అయితే మనం తెరపైనే వాళ్లను చూస్తాం కాబట్టి..కొన్ని నమ్మకాలను వాళ్ల చుట్టూ ప్రోది చేసుకుంటాం. అయితే ఒక్కసారి వాటిని బ్రేక్ చేసే విషయాలు మనం వింటూంటాం. అలాంటి సీక్రెట్ నే పవన్ కళ్యాణ్ గురించి సమంత రివీల్ చేసింది.
పవన్ కల్యాణ్, సమంత జంటగా నటించిన అత్తారింటికి దారేది చిత్రం ఎంత పెద్ద హిట్టో అందరికీ తెలిసిందే. త్రివిక్రమ్ శ్రీనివాస్ డైరెక్షన్ లో వచ్చిన ఈ సినిమా షూటింగ్ సమయంలో జరిగిన ఓ ఇంట్రస్టింగ్ విషయాన్ని హీరోయిన్ సమంత తాజాగా ఓ ఇంటర్వ్యూలో వెల్లడించింది.
అదేమిటంటే…పవన్ కల్యాణ్ కు సిగ్గు ఎక్కువని, జనం మధ్యలో షూటింగ్ చేయడానికి కొంచెం ఇబ్బందిపడతారని వివరించింది. ముఖ్యంగా ఆయనకు ఎక్కువ మందిలో పాటల షూటింగ్ అంటే ఎక్కడలేని సిగ్గు వచ్చేస్తుందని, అత్తారింటికి దారేది చిత్రం సందర్భంగా స్విట్జర్లాండ్ షెడ్యూల్ లో ఆయన సిగ్గు చూసి తాను నవ్వాపుకోలేకపోయానని సమంత చెప్పింది.
అక్కడి అందమైన లొకేషన్లలో ఓ పాట షూట్ చేస్తుండగా, చాలామంది జనం వచ్చారని, వాళ్లను చూసిన పవన్ తాను స్టెప్పులు వేయలేనంటూ కారవాన్ వద్దకు వెళ్లిపోయారని వెల్లడించింది. అయితే, డైరెక్టర్ త్రివిక్రమ్ శ్రీనివాస్ వెళ్లి “పవన్ నువ్వు చేయగలవు!” అని కాన్ఫిడెన్స్ నింపడం, “నేను చేయగలనంటావా!” అంటూ పవన్ బెరుకుగా మాట్లాడ్డం చూసి నవ్వుకున్నానని తెలిపింది. పవన్ పవర్ స్టార్ అయినా ఎంతో సాధారణ మనస్తత్వం ఉన్న వ్యక్తి అనిపించిందని, ఆ మనస్తత్వమే పవన్ లో తనకు బాగా ఇష్టమైన అంశమని సమంత వివరించింది.