మన్మథుడు 2 రిజల్ట్‌తో నాగార్జున భారీగానే షాక్ అయ్యాడు. త‌న కెరియ‌ర్‌లోనే ఎప్పుడూ వినన్ని కామెంట్స్ కూడా ఈ సినిమాతో విన్నాడు. ఇక సీనియ‌ర్ హీరోలంద‌రిలోనూ ఇప్ప‌టికీ మన్మథుడు త‌న అందాన్ని అలానే మెయిన్టైన్ చేస్తూ త‌న కొడుకుల‌కి పోటీగా వ‌స్తున్నాడు ఈ హీరో. అర‌వైఏళ్ళ వ‌య‌సులోనూ ఇర‌వైఏళ్ళ మ‌న్మ‌థుడిలా రొమాంటిక్ సీన్ల‌ను పండించేస్తాడు. అయితే నాగ్ ఇటీవల సక్సెస్‌ల విషయంలో మాత్రం కాస్త వెనకపడ్డాడు. ఇటీవల నాగార్జున హీరోగా తెరకెక్కిన మన్మథుడు 2 దారుణంగా ఫెయిల్ అయ్యింది. ఈ సినిమాతో నాగ్ ఇమేజ్‌, మార్కెట్‌ కూడా దెబ్బతింది.
మన్మథుడు 2 రిజల్ట్‌తో షాక్ అయిన నాగ్ త‌న త‌ర్వాత సినిమా విషయంలో చాలా జాగ్ర‌త్త‌లు తీసుకుంటూ… క‌నీసం ఓపెనింగ్ కూడా లేకుండా సైలెంట్‌గా ప‌నికానిచ్చేస్తున్నాడు మ‌న కింగ్‌. సోగ్గాడే చిన్ని నాయనా సినిమాకు సీక్వెల్‌గా తెరకెక్కించాలని భావించిన బంగార్రాజు సినిమాను పక్కన పెట్టేశాడు. సోలోమాన్‌ అనే కొత్త దర్శకుడితో ఓ సినిమా చేసేందుకు నాగార్జున ఓకె చెప్పినట్టుగా వార్తలు వినిపించాయి. అంతేకాదు ఈ సినిమాలో నాగ్ పోలీస్‌ ఆఫీసర్‌ పాత్రలో నటిస్తున్నట్టుగా ప్రచారం జరిగింది.
అయితే నాగ్ ఇప్పటికే ఈ సినిమా షూటింగ్‌ను ప్రారంభించాడట. ఇప్పటికే ఓ షెడ్యూల్ పూర్తయిందన్న టాక్‌ వినిపిస్తోంది. ఓల్డ్‌ సిటిలో ఐదు రోజుల పాటు కీకల సన్నివేశాలు చిత్రీకరించారు. మన్మథుడు 2 నిరాశపరచటంతో నెక్ట్స్ సినిమా విషయంలో ఆచితూచి అడుగులు వేస్తున్నాడు కింగ్‌. ఎవ‌రైనా సీనియ‌ర్ హీరో సినిమా మొద‌ల‌వుతుందంటే చాలు ఓపెనింగ్ నుంచి అన్ని వివ‌రాలు తెలుసుకోవాల‌నుకుంటారు ఫ్యాన్స్‌. కానీ నాగ్ అంత ఛాన్స్ ఇవ్వ‌కుండానే సైలెంట్‌గా ప‌నికానిచ్చేస్తున్నాడు. యాక్షన్‌ డ్రామాగా తెరకెక్కుతున్న ఈ సినిమా కోసం హాలీవుడ్‌ యాక్షన్‌ కొరియోగ్రాఫర్స్‌ పనిచేస్తున్నారు. ఈ సినిమాను మ్యాట్నీ ఎంటర్‌టైన్మెంట్స్‌ బ్యానర్‌పై నిర్మిస్తున్నారు. మ‌రి దీంతో అయినా ఫ్యాన్స్‌ని ఖుషీ చేస్తాడో లేదో చూడాలి.