ఎడిట‌ర్‌ని పెళ్లి చేసుకోవాల‌ని వుంద‌ట‌!

రామ్‌గోపాల్‌వ‌ర్మ ఏది చేసిన చిత్ర‌మే.. విచిత్ర‌మే.. ఏ ట్వీట్ పెట్టినా అదో సెన్సేష‌నే. తాజాగా అలాంటి ట్వీటే చేశాడు వ‌ర్మ‌. క‌రోనా మ‌హ‌మ్మారి విజృంభించ‌డం మొద‌లైన ద‌గ్గ‌రి నుంచి వ‌రుస ట్వీట్‌ల‌తో వార్త‌ల్లో నిలుస్తున్నారు వ‌ర్మ‌. ఫేక్ న్యూస్‌ని రియ‌ల్ అని న‌మ్మి అడ్డంగా బుక్కైన వ‌ర్మ ఆ త‌రువాత నాలుక్క‌రుచుకుని సారీ చెప్పాల్సి వ‌చ్చింది.

లాక్‌డౌన్ కార‌ణంగా ప‌శ్చిమ బెంగాళ్ ప్ర‌భుత్వం మందు ల‌భించిక వింత వింత ప్ర‌వ‌ర్తిస్తున్న వారికి ఇంటింటికి మ‌ధ్యాన్ని స‌ర‌ఫ‌రా చేస్తోందని, ఉభ‌య తెలుగు రాష్ట్రాల ప్ర‌భుత్వాలు కూడా పెద్ద మ‌న‌సు చేసుకుని ప‌‌శ్చిమ బెంగాల్ ప్ర‌భుత్వం త‌ర‌హాలో మ‌ద్యం పంపిణీ చేయాల‌ని జూచించాడు. దీనికి తెలంగాణ ఐటీ శాఖ మంత్రి కేటీఆర్ `వ‌ర్మ‌గారు మీరు హేయిర్ క‌ట్ గురించే క‌దా అడుగుతున్నారు` అంటూ దిమ్మ‌దిరిగే కౌంట‌ర్ ఇచ్చారు. అప్ప‌టి నుంచి ఆచి తూచి స్పందిస్తున్న వ‌ర్మ తాజాగా పెట్టిన ఓ పోస్ట్ ఆశ్చ‌ర్యాన్ని క‌లిగిస్తోంది.

ఓ ఎడిట‌ర్‌ని పెళ్లిచేసుకోవాల‌ని వుందంటూ ట్వీట్ చేసి షాకిచ్చాడు. అస‌లు విష‌యం ఏంటంటే మ‌ణిర‌త్నం గ‌త కొన్నేళ్ల క్రితం రూపొందించిన చిత్రం `ద‌ళ‌ప‌తి`. ఈ చిత్రంలో ని `సింగారాల పైరుల్లోనూ బంగారాలే పండాలంట ఆడాలి…` అంటూ సాగే ఓ పాట వుంది. ఈ పాట‌కు సంబంధించిన త‌మిళ వెర్ష‌న్‌ని మెరికా అధ్య‌క్షుడు ట్రంప్‌, భార‌త ప్ర‌ధాని మోదీల‌కు సంబంధించిన వీడియోల‌ని క‌రెక్ట్ సింక్ చేస్తూ వారి హావ భావాల‌ని పాట‌కు త‌గ్గ‌ట్టుగా ఓ త‌మిళ ఎడిట‌ర్‌ క‌ట్ చేసి ఆ విజువ‌ల్స్‌ని ట్విట్ట‌ర్‌లో షేర్ చేశాడు. ఈ వీడియోని ఎడిట్ చేసిన తీరుకు ముగ్ధుడైన వ‌ర్మ ఈ ఎడిట‌ర్‌ని పెళ్లి చేసుకోవాల‌ని వుంద‌ని చ‌మ‌త్క‌రించాడు. దీంతో ఈ వీడియో సోష‌ల్ మీడియాలో వైర‌ల్‌గా మారింది.