Revanth Reddy: తెలంగాణ ముఖ్యమంత్రి రేవంత్ రెడ్డి పై సినీ నటుడు నిర్మాత బండ్ల గణేష్ ప్రశంశల వర్షం కురిపించారు. తెలంగాణ గత అసెంబ్లీ ఎన్నికలకు ముందు నుంచి ఈయన కాంగ్రెస్ పార్టీకి మద్దతు తెలియజేశారు. ఇక తెలంగాణలో కాంగ్రెస్ పార్టీ అధికారంలోకి రావడంతో రేవంత్ రెడ్డి గురించి ఎంత గొప్పగా మాట్లాడుతూ ఈయన తరచూ వార్తలో నిలుస్తున్నారు. ఇలా రేవంత్ రెడ్డికి బండ్ల గణేష్ పూర్తి స్థాయిలో మద్దతు తెలియజేయడమే కాకుండా ప్రతిపక్ష నేతలపై విమర్శలు కూడా చేస్తూ ఉన్నారు.
ఇదిలా ఉండగా తాజాగా ఒక ఇంటర్వ్యూలో పాల్గొన్న బండ్ల గణేష్ రేవంత్ రెడ్డి గురించి మాట్లాడుతూ చేసిన వ్యాఖ్యలు ప్రస్తుతం వైరల్ అవుతున్నాయి. మన ఇండియాలో ఉన్నటువంటి 29 రాష్ట్రాలలో బెస్ట్ సీఎం ఎవరైనా ఉన్నారు అంటే అది రేవంత్ రెడ్డి మాత్రమేనని తెలియజేశారు. రేవంత్ రెడ్డి ముఖ్యమంత్రి అయినప్పటికీ ఆయనకు మాత్రం ఆ అహం లేదని తెలిపారు.
ఆయన ఒక మిడిల్ క్లాస్ ముఖ్యమంత్రి తాను ఎవరితోనైనా ఎలాంటి అహంకారం లేకుండా కలుస్తారు అలాగే తనని ఎవరైనా కూడా కలవచ్చని, అందుకే ఆయన ఇండియాలోనే బెస్ట్ సీఎం అయ్యారు అంటూ రేవంత్ రెడ్డి గురించి బండ్ల గణేష్ చేసిన ఈ వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి. ఇలా రేవంత్ రెడ్డి గురించి సొంత పార్టీ నేతలు గొప్పగా చెప్పగా బీఆర్ఎస్ నేతలు మాత్రం రేవంత్ రెడ్డి వ్యవహార శైలిని ఎప్పటికప్పుడు ఎండగడుతూ వస్తున్నారు.
ముఖ్యంగా రేవంత్ రెడ్డి సీఎం అయిన తర్వాత తెలంగాణ వ్యాప్తంగా ప్రజలందరూ ఎన్నో ఇబ్బందులను ఎదుర్కొంటున్నారని, ఎన్నికలకు ముందు ఇచ్చిన వాగ్దానాలను పూర్తిగా తప్పారు అంటూ బిఆర్ఎస్ నాయకులు రేవంత్ రెడ్డి పరిపాలన గురించి ఆయన వ్యక్తిగత తీరు గురించి విమర్శలు చేస్తున్న సంగతి మనకు తెలుస్తుంది.