కాంగ్రెస్ నేత రేవంత్ రెడ్డి అరెస్టు పై రాహుల్ గాంధీ ట్విట్టర్ లో స్పందించారు. మంగళవారం కొడంగల్ బంద్ కు రేవంత్ పిలుపునిచ్చిన నేపథ్యంలో పోలీసులు ముందు జాగ్రత్త చర్యగా రేవంత్ ను అరెస్టు చేశారు. మంగళవారం ఉదయం కొడంగల్ లోని రేవంత్ ఇంటికి వెళ్లిన పోలీసులు రేవంత్ ను అదుపులోకి తీసుఃకొని ఆయనను జడ్చర్లలోని పోలీసు శిక్షణ కేంద్రానికి తరలించారు. రేవంత్ అరెస్టుతో తెలంగాణ వ్యాప్తంగా కాంగ్రెస్ శ్రేణులు నిరసన నిర్వహించారు. రేవంత్ అరెస్టును కాంగ్రెస్ నేతలు ఖండించారు. రేవంత్ అరెస్టు పై ఏఐసీసీ అధ్యక్షుడు రాహూల్ గాంధీ ట్వీట్టర్ లో స్పందించారు. ఆయన ఏమన్నారంటే…
అరెస్టులతో కాంగ్రెస్ ప్రభంజనాన్ని టీఆర్ఎస్ అడ్డుకోలేదు. కేసీఆర్ నిరంకుశ ధోరణికి పరాకాష్టే రేవంత్రెడ్డి అరెస్ట్. టీఆర్ఎస్ ప్రజా వ్యతిరేక పాలనకు రోజులు దగ్గర పడ్డాయి. ఓటమి భయం వల్లే అరెస్ట్ చేశారు. టీఆర్ఎస్ను ప్రజలు చిత్తుగా ఓడించి కేసీఆర్కు విశ్రాంతి ఇవ్వబోతున్నారు. pic.twitter.com/hViI6urOZe
— Rahul Gandhi (@RahulGandhi) December 4, 2018