ఈ మధ్య మోహన్ బాబు సోషల్ మీడియా హాట్ టాపిక్ అయ్యాడు. సినిమాల వల్లకాదు. ఆయన ప్రపంచానికి ఒక కొత్త మాట అందించినందుకు. ఒక టివి ఇంటర్వ్యూలో మాట్లాడుతూ బాహుబలి కథ చెప్పాడాయన. ఈ కధలో ఫస ఫస నరకడం కాదు, ఒక్కవేటుతో నరికేయాలని ఇంగ్లీష్ లో చెప్పబోయి ఫసక్ అని అన్నారు. అంతే, వాడిన ఈ మాట వైరలయిపోయింది. పెద్ద జోకయింది. ఆ పేరు మీద యాప్ కూడా వచ్చింది. ఆ పదం ఎంతపాపులర్ అయిందంటే మోహన్ బాబే నమ్మలేకపోయారు. ఈ పదం పేరుతోఇక సినిమా తీయడమే ఆలస్యం. ఇపుడు హైదరాబాద్ సమీపంలోని మల్లారెడ్డి ఇంజనీరింగ్ కాలేజీలో ఈ మాట ప్రశాపత్రంలోకి కూడా ఎక్కింది. కాలేజి ఇంజనీర్స్ డే సందర్భంగా ఒక పరీక్ష పెట్టింది. అందులో ‘ ఈ మధ్య సోషల్ మీడియా తెగ వైరలయిన ఫసక్ అనే మాట వాడిందెవరు;’ అని ప్రశ్న వేసింది. ఇది ఇదే ప్రశ్నా పత్రం.
