తెలంగాణ కాంగ్రెస్ ప్రభుత్వంలో తానే ‘సుల్తాన్’.. తన మాటే ‘శాసనం’ అని కలరింగ్ ఇచ్చుకునే ముఖ్యమంత్రి రేవంత్ రెడ్డికి మాజీ మంత్రి కొండా సురేఖ గట్టి షాకే ఇచ్చారు. ఢిల్లీ దాకా వెళ్లి, అధిష్ఠానం కాళ్లు పట్టుకుని, ముగ్గురు మంత్రుల లాబీయింగ్ను తట్టుకుని.. ఎట్టకేలకు ఆమెను మంత్రి పదవి నుంచి పీకేయడంలో రేవంత్ సక్సెస్ అయ్యారు అనుకునే లోపే సీన్ రివర్స్ అయింది. “మంత్రి పదవి పోతే పోయింది.. నేను కాంగ్రెస్ పార్టీలోనే ఉంటా, ఎమ్మెల్యేగా నియోజకవర్గాన్ని రప్ఫాడిస్తా” అంటూ సురేఖ బాంబ్ పేల్చారు.
దీంతో రేవంత్ క్యాంప్లో ఇప్పుడు అసలుసిసలైన గుబులు మొదలైంది. పదవి పీకేస్తే అలకపాన్పు ఎక్కి పార్టీ వీడుతుందని ఆశించిన రేవంత్కి.. సురేఖ తాజా స్టేట్మెంట్ మింగుడుపడటం లేదట. రాజకీయాల్లో శత్రువు పక్క రాష్ట్రంలో ఉంటే ప్రమాదం లేదు కానీ, సొంత ఇంట్లోనే ఉంటే ఎలా ఉంటుందో రేవంత్కి ఇప్పుడు ప్రాక్టికల్గా అర్థమవుతోంది. పార్టీలో ఉంటూనే రేవంత్కు చుక్కలు చూపించడానికి సురేఖ సిద్ధమయ్యారు. ప్రభుత్వ వర్గాల్లో వినిపిస్తున్న టాక్ ప్రకారం.. సురేఖ గారు ఇప్పుడు కాంగ్రెస్ పార్టీకి ‘సంకలో పుండు’ లాగా తయారయ్యారు.
బయటకు పంపేయలేరు.. అలాగని లోపల ఉంచుకుని భరించలేరు. ఇప్పటికే కేబినెట్లో సీనియర్ మంత్రి కోమటిరెడ్డి రాజగోపాల్ రెడ్డి లాంటి నేతలు రేవంత్ ఒంటెద్దు పోకడలపై ఓపెన్గానే ఎదురుతిరుగుతున్నారు. ఇప్పుడు ఈ అసంతృప్త జెట్ స్పీడ్ బ్యాచ్కి కొండా సురేఖ కూడా తోడవ్వడంతో గాంధీ భవన్లో రేవంత్ వ్యూహాలకు గట్టి బ్రేకులు పడటం ఖాయంగా కనిపిస్తోంది. అసలు ఇక్కడ కామెడీ ఏంటంటే.. సురేఖను మంత్రి పదవి నుంచి ఎలాగోలా కట్ చేయగలిగారు కానీ..
ఆమెను పార్టీ నుంచి కనీసం సస్పెండ్ కూడా చేయించలేకపోయారు రేవంత్ రెడ్డి. రేవంత్కు ఢిల్లీ హైకమాండ్ వద్ద ఆ స్థాయిలో ‘లాబీయింగ్’ చేసే పట్టు లేదా అనే ప్రశ్న ఇప్పుడు పొలిటికల్ సర్కిల్స్లో వెటకారంగా మారుతోంది. రాష్ట్రంలో తానే ‘టైగర్’ అని బిల్డప్ ఇచ్చుకున్నా, ఢిల్లీ పెద్దల ముందు మాత్రం రేవంత్ పప్పులు ఉడకడం లేదని క్లియర్గా తేలిపోయింది. మరి సొంత కేబినెట్ నుంచి తప్పుకున్న సురేఖ.. ఎమ్మెల్యే కోటాలో లోపలే ఉంటూ రేవంత్ సీటు కిందకు ఎలాంటి నీళ్లు తెస్తారో, ఈ ‘సంకలో పుండు’ వ్యవహారాన్ని సీఎం గారు ఎలా మేనేజ్ చేస్తారో చూడాలి.