World Hit Series Squid Game Sequel : ప్రపంచ వ్యాప్తంగా ఇప్పుడు ఓటిటి కంటెంట్ కి ఎంత డిమాండ్ నెలకొందో అందరికీ తెలిసిందే. ముఖ్యంగా గడిచిన రెండు మూడేళ్ళలో విపరీతంగా క్రేజ్ పెరిగింది. అందులో సినిమాలకి గాను వెబ్ సిరీస్ లకి గాను భారీ డిమాండ్ పెరగగా వాటిలో ప్రపంచ నెంబర్ 1 స్ట్రీమింగ్ యాప్ నెట్ ఫ్లిక్స్ నుంచి అదిరే కంటెంట్ వీక్షకులకు వచ్చింది.
అయితే అప్పట్లోనే చాలా మందికి వెబ్ సిరీస్ లు చాలా దగ్గర కాగా వాటిలో కొరియన్ కి చెందిన సిరీస్ లు ఒక్కసారిగా సెన్సేషన్ ని రేపాయి. మరి వాటిలో గత ఏడాది చివరలో వచ్చిన ఫేమస్ సిరీస్ “స్క్విడ్ గేమ్ సీజన్ 1” కూడా ఒకటి. చాలా వినూత్నమైన కాన్సెప్ట్ తో డైరెక్టర్ డాంగ్ హ్యుక్ తెరకెక్కించాడు.
అయితే అప్పుడు నుంచి ఇప్పటికి కూడా ప్రపంచంలోనే అత్యధికంగా చూసిన వెబ్ సిరీస్ గా రికార్డు సెట్ చేసింది. దీనితో ఈ సీజన్ కి రెండో భాగం ఎప్పుడు వస్తుందా అని అంతా ఆసక్తిగా ఎదురు చూస్తున్నారు. అయితే దీనిపై లేటెస్ట్ గా ఈ సిరీస్ దర్శకుడు డాంగ్ హ్యుక్ ఒక ఇంటర్నేషనల్ మీడియా సంస్థకి ఇచ్చిన ఇంటర్వ్యూలో క్లారిటీ ఇచ్చాడు.
ప్రస్తుతం తాను ఒక సినిమా చేస్తుండడంతో స్క్విడ్ గేమ్ సిరీస్ లేట్ అవుతుందని అందుకే 2024వ సంవత్సరం చివరికి అలా రిలీజ్ చెయ్యాలని చూస్తున్నట్టు తెలిపాడు. ఆయితే అప్పటి వరకు అంటే చాలా టైం ఉందని చెప్పాలి. ఏది ఏమైనప్పటికీ మాత్రం ఈ సెన్సేషనల్ హిట్ కి సీక్వెల్ కోసం అప్పుడు వరకు ఆగక తప్పదని చెప్పాలి.