Jr NTR Entry Into Politics : తెలుగుదేశం పార్టీ అధినేత నారా చంద్రబాబునాయుడు, తన పుత్ర రత్నాన్ని తన రాజకీయ వారసుడిగా ఇప్పటికే ప్రకటించేశారు. అర్హత లేకపోయినా (ప్రత్యక్ష ఎన్నికల ద్వారా గెలవకపోయినా) పార్టీ జాతీయ ప్రధాన కార్యదర్శిని చేసి, ఎమ్మెల్సీగా ఎంపిక చేసి, మంత్రి పదవి ఇచ్చి..
చంద్రబాబు టీడీపీ మీదా, రాష్ట్ర ప్రజల నెత్తినా నారా లోకేష్ని బలవంతంగా రుద్దేశారన్నది నిర్వివాదాంశం.
తన మీద పడ్డ ఆ ‘అసమర్థ మచ్చ’ని చెరిపేసుకునేందుకు 2019 ఎన్నికల్లో పోటీ చేసి నారా లోకేష్ ఓటమి పాలయ్యారు. నిజానికి, 2014 ఎన్నికల్లోనే నారా లోకేష్తో చంద్రబాబు పోటీ చేయించి వుంటే, ఖచ్చితంగా ఆయన గెలిచేవాడే.
తద్వారా ‘అసమర్థుడు’ అన్న మచ్చ ఆయన మీద పడేదే కాదు. చంద్రబాబు రాజకీయాలు అలాగే తగలడ్తాయ్.
అసలు విషయమేంటంటే, యంగ్ టైగర్ ఎన్టీయార్ ఎట్టి పరిస్థితుల్లోనూ తెలుగుదేశం పార్టీ పగ్గాలు చేపట్టాలన్న డిమాండ్ రోజురోజుకీ పెరిగిపోతోంది. ఈ తరుణంలో నారా లోకేష్ మీద ఒత్తిడి పెరుగుతోంది.
తనను తాను నాయకుడిగా నిరూపించుకునేందుకు నారా లోకేష్ వేస్తున్న పిల్లిమొగ్గలు అన్నీ ఇన్నీ కావు.
యంగ్ టైగర్ ఎన్టీయార్ మంచి వాగ్ధాటి కలిగినోడు. పదునైన వ్యూహాలూ రచించగలడు. తాత స్వర్గీయ నందమూరి తారకరామారావు తర్వాత ఆ స్థాయి వాగ్ధాటి వున్న నందమూరి వారసుడు యంగ్ టైగర్.
అయితే, యంగ్ టైగర్ని రాజకీయాలకు దూరం పెట్టారు చంద్రబాబు. అంతేనా, ఎన్టీయార్ మీద చంద్రబాబు తరచూ నెగెటివిటీ ప్రచారం చేయిస్తుంటారు. అంతా లోకేష్ని ఎలివేట్ చేయడం కోసమే.
రాజకీయాల్లోకి వస్తారా.? అనే ప్రశ్న తరచూ ఎన్టీయార్ని వెంటాడుతుంటుంది. తాజాగా అదే ప్రశ్న తన ముందుకు వస్తే, ‘ఇప్పటికైతే సినిమాలతో హ్యాపీగా వున్నాను.. అలాగే వుండనివ్వండి..’ అనేశాడు ఎన్టీయార్.
ఒకవేళ ఎన్టీయార్కి రాజకీయాలపై ఆసక్తి వున్నా దాన్ని చంపేయడమెలాగో చంద్రబాబుకి బాగా తెలుసు.