తెలుగులో ఒక్క జగపతిబాబు మినహా చెప్పుకోదగిన స్టార్ విలన్ మరొకరు లేరు. అందుకే మన స్టార్ హీరోలు పర భాషల్లో విలన్లను వెతుక్కుంటున్నారు. తాజాగా సూపర్ స్టార్ మహేష్ బాబు కూడ అదే పని చేస్తున్నారట. మహేష్ ప్రస్తుతం పరశురామ్ దర్శకత్వంలో ‘సర్కారువారి పాట’ చిత్రం చేస్తున్నాడు. షూటింగ్ మొదలై చాలా రోజులే అవుతున్నా ఇందులో ప్రతినాయకుడు ఎవరు అనేది ఇంకా రివీల్ చేయలేదు టీమ్. దీంతో రకరకాల ఊహాగానాలు వినిపిస్తున్నాయి. నిన్న మొన్నటివరకు తమిళ స్టార్ నటుడు అర్జున్ ఇందులో విలన్ రోల్ చేస్తాడని వార్తలు రాగా ఇప్పుడు ఆ పేరు మారింది.
ఫామ్లో ఉన్న తమిళ యాక్టర్ సముద్రఖని మహేష్ సినిమాలో విలన్ అని అంటున్నారు. సముద్రఖని ఇటీవల చేసిన ‘అల వైకుంఠపురములో, క్రాక్’ చిత్రాలు భారీ విజయాలుగా నిలిచాయి. రెండింటిలోనూ సముద్రఖని నటన తెలుగు ప్రేక్షకులకు బాగా నచ్చింది. స్టార్ హీరోలకు మంచి విలన్ అనే పేరు తెచ్చుకున్నాడు. అందుకే ఆయన్ను తీసుకోవాలని పరశురామ్ భావిస్తున్నాడట. అయితే ఈ ఇద్దరిలో మహేష్ ఢీకొట్టబోయేది ఎవరిని అనేది పక్కా కన్ఫర్మేషన్ రావాలి అంటే ఇంకొన్ని రోజులు ఆగాల్సిందే. ఇకపోతే మహేష్ వీలైనంత త్వరగా పరశురామ్ సినిమాను ముంగించి త్రివిక్రమ్ చిత్రాన్ని పట్టాలెక్కించే ప్రయత్నంలో ఉన్నారు.