ప్రస్తుత కాలంలో కొంతమంది సైబర్ నేరాలకు పాల్పడుతూ సోషల్ మీడియా అకౌంట్ లను హ్యాక్ చేసి అందులో అసలు ఇలా ఫోటోలను ఉంచి డబ్బులు డిమాండ్ చేస్తున్నారు. తాజాగా బుల్లితెర యాంకర్ గా గుర్తింపు పొందిన విష్ణు ప్రియ కూడా తన అకౌంట్ హ్యాక్ అయిందంటూ గగ్గోలు పెడుతుంది. ఈటీవీ ప్లస్ లో ప్రసారమైన పోవే పోరా షో ద్వారా యాంకర్ గా గుర్తింపు పొందిన విష్ణు ప్రియ ఆ తర్వాత అవకాశాలు రాకపోవడంతో టీవీ షోలలో కనిపించలేదు. అయినప్పటికీ సోషల్ మీడియాలో యాక్టివ్ గా ఉంటూ బాగా పాపులర్ అయ్యింది.
ఇలా సోషల్ మీడియాలో తన హాట్ ఫోటోలను, డాన్స్ వీడియోలను షేర్ చేస్తూ బాగా పాపులర్ అయింది. ఇలా సోషల్ మీడియాలో ఈ అమ్మడు ఇచ్చే గ్లామర్ ట్రీట్ కి ఎంతోమంది ఆమెకి ఫాలోవర్లుగా మారుతున్నారు. ఇలా విష్ణు ప్రియ సోషల్ మీడియాలో చేసే రచ్చతో ఇటీవల సినిమాలలో నటించే అవకాశాలు కూడా అందుకుంటుంది. తాజాగా వాంటెడ్ పండుగాడు అనే సినిమాలో కూడా ప్రధాన పాత్రలో నటించింది. ఇదిలా ఉండగా.. సోషల్ మీడియాలో ఎప్పుడూ యాక్టివ్ గా ఉండే విష్ణు ప్రియ ఫేస్బుక్ అకౌంట్ ఇటీవల హ్యాక్ అయినట్లు తెలుస్తోంది.
విష్ణు ప్రియ అకౌంట్లో అశ్లీల ఫోటోలు దర్శనమిచ్చాయి. ఇలా విష్ణు ప్రియ ఫేస్ బుక్ పేజీ కాస్తా.. మహిళల అశ్లీల వీడియోలూ, ఫోటోలతో నిండి పోవడంతో, ఆమె అభిమానులు షాకయ్యారు. ఈ విషయం గ్రహించిన విష్ణు ప్రియా వెంటనే అప్రమత్తమై ఈ ఫోటోలకు తనకు ఎటువంటి సంబంధం లేదని.. ఎవరో తన ఫేస్బుక్ అకౌంట్ ని హ్యాక్ చేశారని చెప్పుకొచ్చింది. తన అకౌంట్ ని అన్ ఫాలో చేయమని తన ఫాలోవర్లకు సూచించింది. ఆ తర్వాత సైబర్ పోలీసులకు ఈ విషయాన్ని తెలియజేసి ఈ దారుణానికి పాల్పడిన వారిని శిక్షించాలని కోరింది.