Kobali: పవన్ కళ్యాణ్, త్రివిక్రమ్ కాంబినేషన్ అంటే ఇప్పటికీ మంచి క్రేజ్ ఉంది. ‘జల్సా, అత్తారింటికి దారేది’ లాంటి సూపర్ హిట్ సినిమాలు వీరి నుండి వచ్చాయి. వీరిద్దరి నుండి ఒక సినిమా ఇంకా బాకీ ఉంది. అదే ‘కోబలి’. పవన్ కోసం త్రివిక్రమ్ ఎంతో ఇష్టంగా రాసుకున్న కథ ఇది. రాయలసీమ నేపథ్యంలో నడిచే స్టోరీ.
సీమ ప్రాంతంలో రీసెర్చ్ చేసి మరీ ఈ కథను రాసుకున్నారు త్రివిక్రమ్. పవన్ కు కూడ కథ బాగా నచ్చింది. కానీ పవన్ సినిమాలు వదిలి రాజకీయాల్లోకి రావడంతో ఆ కథను పక్కనపెట్టేశారు త్రివిక్రమ్. పవన్ ఎంట్రీ ఇచ్చి చక చకా సినిమాలు చేసుకుంటూ వెళుతున్నారు. ఈ ఏడాది చివరి వరకు ఆయనకు గ్యాప్ లేదు. రీమేక్ చిత్రం, హరి హర వీరమల్లు, హరీష్ శంకర్ సినిమా ఇలా వరుసగా ఉన్నాయి. ఇవన్నీ కంప్లీట్ అవ్వడానికి చాలా సమయమే పడుతుంది. అయినా త్రివిక్రమ్ వదిలేలాలేడు. మళ్ళీ ‘కోబలి’ కథను బయటకు తీసిన ఆయన తుది మెరుగులు దిద్దుతున్నారట.
ఆయన తన తరవాతి సినిమాను మహేష్ బాబుతో చేయాలని అనుకుంటున్నారు. అది కంప్లీట్ అయ్యేనాటికి పవన్ కూడ ఖాళీగా ఉంటే ‘కోబలి’ చేయడం ఖాయమట. ఒక్క రెండు మూడు నెలలు గ్యాప్ దొరికితే సినిమాను చేసేసే యోచనలో ఉన్నారట త్రివిక్రమ్. మరి ఆయనకు కాలం కలిసొస్తుందో లేదో చూడాలి.