కరోనా నేపథ్యంలో ధియేటర్ల పరిస్థితిని దృష్టిలో పెట్టుకుని నాని తన సినిమా ‘టక్ జగదీష్‌ని ఓటీటీలో రిలీజ్ చేసిన సంగతి తెలిసిందే. మంచి నిర్ణయమే తీసుకున్నాడు.. లేదు బిగ్ మిస్ట్లేక్ చేశాడు.. అంటూ ఈ విషయంలో నానిపై భిన్న వాదనలు వినిపించాయి.
ప్రస్తుతం నాని నుండి రెండు సినిమాలు రిలీజ్‌కి రెడీగా ఉన్నాయి. ‘అంటే సుందరానికి’ ఒకటి, ‘శ్యామ్ సింగరాయ్’ మరొకటి. ఈ రెండు సినిమాలపైనా అంచనాలు బాగానే ఉన్నప్పటికీ, ‘టక్ జగదీష్’ ఎఫెక్ట్ ఈ రెండు సినిమాల సక్సెస్‌ని ప్రభావితం చేసేలా కనిపిస్తోందంటున్నారు.
ఈ మధ్య ధియేటర్లలో సినిమాలు బాగానే రిలీజ్ అవుతున్నాయి. కానీ, నాని సినిమాలు మాత్రం ఓటీటీకే అడుగుతున్నారట. దాంతో ఈ సినిమా నిర్మాతలు డైలమాలో పడ్డారట. ఈ మధ్య పవన్ కళ్యాణ్ – సినిమా టికెట్ల వివాదంలో స్వయంగా నాని కొన్ని సంచలన వ్యాఖ్యలు చేయడం, అలాగే పవన్ కళ్యాణ్‌కి తన మద్దతు తెలపడం వంటి ఇష్యూస్ నానిపై నెగిటివ్ ఇంపాక్ట్‌కి దారి తీసేలా ఉన్నాయని టాక్ వినిపిస్తోంది.
చూడాలి మరి, ఈ ఎఫెక్ట్ నుండి నేచురల్ స్టార్ నాని ఎలా బయటపడగలడో.