అన్ని సినిమా ఇండస్ట్రీలలో కూడా ఎన్నో ప్రయోగాత్మక సినిమాలు మనం చూస్తూనే ఉంటాం. అలాగే వాటిని హీరోలతో పాటుగా హీరోయిన్స్ కూడా చెయ్యడం కూడా జరిగింది. అయితే కొన్ని సినిమాలు మాత్రం ఆయా స్టార్ నటులు ఎంచుకొని ఆశ్చర్య పరుస్తారు. ఇప్పుడు అలాంటి పనినే స్టార్ హీరోయిన్ రకుల్ ప్రీత్ సింగ్ చేసింది. తాను కనిపించబోయే నెక్స్ట్ సినిమాలో ఒక కండోమ్ టెస్టర్ గా ఆమె నటించబోతుంది. ఇది వినడానికి ఇబ్బందిగా ఉన్నా ఇదే నిజం. ఈ సినిమా తాలూకా పోస్టర్ ని కూడా ఆమె రిలీజ్ చేసింది.
అలాగే ఈ చిత్రానికి “ఛత్రి వాలి” అనే టైటిల్ ని పెట్టగా దీనిని తేజస్ ప్రభా విజయ్ దర్శకత్వం వహిస్తున్నాడు. ఇప్పుడు తెలుగులో ఈమెకి ఆల్రెడీ సినిమాలు తగ్గిపోయాయి. దీనితో హిందీలోనే మళ్లీ బిజీ అయ్యింది. కానీ మరీ ఇలాంటి సినిమా రకుల్ చేస్తుంది అని ఎవరూ ఊహించి ఉండకపోవచ్చు. కానీ కంటెంట్ బాగుంటే కాకుండా ఇలాంటి సినిమాలు కూడా హిట్టయిన సందర్భంలు అనేకం. మరి రకుల్ ఈ సినిమాతో హిట్ కొడుతుందా లేక బి గ్రేడ్ సినిమా గా మారిపోతుందా అనేది చూడాలి.