Mahesh : టాలీవుడ్ సినిమాలో మంచి ఫాలోయింగ్ ఉన్న బిగ్ స్టార్ హీరోస్ లో సూపర్ స్టార్ మహేష్ బాబు కూడా ఒకరు. అయితే మహేష్ ఇపుడు తన కెరీర్ ను టాలీవుడ్ నుంచి పాన్ ఇండియన్ లెవెల్ కి మార్చుకునే ప్రయత్నంలో ఉన్నారు. అయితే సూపర్ స్టార్ మహేష్ పై ఒక మార్క్ ఉంది. తాను ఎప్పుడూ హిట్ ఉన్న దర్శకులతోనే సినిమాలు చేస్తాడని ఒకవేళ ప్లాప్ ఇస్తే తన దగ్గరకు కూడా రానివ్వడు అని.
అయితే ఇది కొంతమంది దర్శకులు చెప్పిన మాటే అయినా తన కెరీర్ లోనే బిగ్ ప్లాప్ ఇచ్చిన దర్శకుల్లో సుకుమార్ కూడా ఒకరు. వీరిద్దరి నుంచి వచ్చిన భారీ సినిమా “1 నేనొక్కడినే”. ఈ సినిమాకి అప్పట్లో ఉన్న హైప్ కి హిట్ కనుక అయ్యి ఉంటే పెద్దే ఎత్తునే వసూళ్లు వచ్చి ఉండేవి కానీ సుకుమార్ అర్ధం కానీ స్క్రీన్ ప్లే తో సినిమా అప్పటి మైండ్ సెట్ కి ప్లాప్ అయ్యింది.
అయినా కూడా మహేష్ సుకుమార్ తో ఓ సినిమాకి ఒప్పుకొని షాక్ ఇచ్చాడు. కానీ అది కొన్ని కారణాల చేత ఆగిపోయినట్టు కన్ఫర్మ్ చేసాడు. ఇప్పుడు ఆ వదిలేసిన సినిమానే “పుష్ప” అంటూ ఓ టాక్ వైరల్ అవుతుంది. అయితే ఆ సినిమా ఈ సినిమా ఒకటే కాదని చెప్పాలి. మహేష్ ని పుష్ప సినిమాలో ఊహించుకోవడమే కష్టం.
కంప్లీట్ కొత్త లుక్ పైగా డీగ్లామరస్ లుక్ లో మహేష్ బాబును తన అభిమానులు కూడా యాక్సెప్ట్ చెయ్యరు. అలాంటప్పుడు పుష్ప సినిమాని తాను వదులుకున్నాడని చెప్పడం లాజిక్ లెస్ అంశం. బహుశా వేరే సబ్జెక్టు పట్టుకెళ్లి ఉండొచ్చు. అయితే పుష్ప సినిమాని కేవలం అల్లు అర్జున్ కోసమే తెచ్చింది అని టాక్ ఉంది. అలాంటప్ప్పుడు మహేష్ వదులుకున్న సినిమా ఇదే అని చెప్పుకోవడం కరెక్ట్ కాని అంశం.