Rajendraprasad and Malavika : చాన్నాళ్ళ క్రితం గొడవ అది. ఓ తెలుగు సినిమాలో ఓ హీరోయిన్, తనను హీరో వేధించాడంటూ రచ్చకెక్కింది. సినీ పరిశ్రమలో ఇలాంటి వాటి గురించి తరచూ వింటూనే వుంటాం. వీటిల్లో చాలావరకు పబ్లిసిటీ స్టంట్లే. కెరీర్ ముగిసిపోయాక ఆరోపణలు చేయడం కొందరు హీరోయన్లకు పరిపాటి. ఇంకొందరు లైమ్లైట్లో వుండగానే పబ్లిసిటీ కోసం అర్థం పర్థం లేని ఆరోపణలు చేస్తారు. ఇంకొన్ని నిజంగానే జరిగిన గొడవలుంటాయి.. వాటిని చెప్పుకోడానికీ కొందరు హీరోయిన్లు తటపటాయిస్తుంటారు.
ఇక్కడ మనం మాట్లాడుకుంటున్నది ‘అప్పారావ్ డ్రైవింగ్ స్కూల్’ అనే సినిమాలో నటించిన మాళవిక గురించి. ఆ సినిమాలో నవ్వుల రాజేంద్రుడు.. అదేనండీ రాజేంద్రప్రసాద్ హీరో. ఓ పాట చిత్రీకరణ సందర్భంగా తనతో రాజేంద్రప్రసాద్ అసభ్యకరంగా ప్రవర్తించాడంటూ మాళవిక నానా యాగీ చేసింది. అప్పట్లో అదో సంచలన వివాదం.
ఎలాగోలా సినిమా పూర్తయ్యింది.. వివాదం కూడా సద్దుమణిగింది. ఆ తర్వాత తెలుగులో పెద్దగా సినిమాలు చేయలేదు మాళవిక. ఆ ఘటనలో రాజేంద్రుడి తప్పేమీ లేదనీ, మాళవిక కేవలం పబ్లిసిటీ స్టంట్ చేసిందనీ అంటారు. కాదు కాదు.. రాజేంద్రప్రసాద్ ఓవరాక్షన్ వల్లనే అది జరిగిందంటా ఇంకొందరు. అయితే, ఈ విషయమై మాట్లాడేందుకు తాజాగా మాళవిక నిరాకరించింది. ఆ విషయం గురించి ప్రస్తావిస్తే, లైట్ తీసుకుంది.
కానీ, ‘చాలాబాగుంది’ సినిమా సమయంలో హీరో శ్రీకాంత్తో గొడవ గురించి మాట్లాడింది. తెలుగులోనే కాదు కొన్ని తమిళ సినిమాల్లో కూడా మాళవిక తీరు పట్ల ఫిర్యాదులున్నాయి. గ్లామరస్గా కనిపించడానికి ఒప్పుకున్నాక, పాటల చిత్రీకరణ సమయంలోనే అనవసర వివాదాలు రాజేసేదనన్న కారణంగా ఆమెకు క్రమక్రమంగా అవకాశాలు తగ్గిపోయాయ్. మీరా చోప్రా కూడా ఇలాంటి వివాదాలతోనే కెరీర్ అటకెక్కించుకుంది.