బెంగ‌ళూరు బ్యూటీ నిధి అగ‌ర్వాల్ షార్ట్ టైంలో అశేష అభిమాన‌గ‌ణాన్ని సొంతం చేసుకుంది. న‌ట‌న‌తో పాటు త‌న గ్లామ‌ర్‌ని జోడించి ప్రేక్ష‌కుల మ‌న‌సులు దోచుకునే ప్ర‌య‌త్నం చేస్తుంది ఇస్మార్ట్ శంక‌ర్ చిత్రంతో తెలుగు ప్రేక్ష‌కుల‌కు చాలా ద‌గ్గ‌రైన నిధి అగ‌ర్వాల్ ప్ర‌స్తుతం తెలుగులో గ‌ల్లా అశోక్ స‌ర‌స‌న ఓ చిత్రం చేస్తుంది. త‌మిళంలో శింబు హీరోగా తెర‌కెక్కుతున్న ఈశ్వ‌ర‌న్ మూవీలో న‌టిస్తుంది. ఈ మూవీ నిధి అగ‌ర్వాల్‌కు డెబ్యూ మూవీ కాగా, ఈ సినిమ‌తో హాట్ బ్యూటీ క్రేజ్ మ‌రింత పెర‌గ‌డం ఖాయం అంటున్నారు.
ఈశ్వ‌ర‌న్ చిత్రం మ‌రి కొద్ది రోజుల‌లో విడుదల కానుండ‌గా, రీసెంట్‌గా చిత్ర ఆడియో వేడుక నిర్వ‌హించారు. ఈ కార్య‌క్ర‌మంలో నిధి అగ‌ర్వాల్ మాట్లాడుతుండ‌గా, దర్శకుడు సుశీంద్ర‌న్ ప‌దే అడ్డుప‌డుతూ వ‌చ్చాడు. సింబు మామ ఐ ల‌వ్యు అని చెప్పు అంటూ ప‌లుమార్లు ఆమెను ఫోర్స్ చేశాడు. దీంతో నిధి అగ‌ర్వాల్ కాస్త ఇబ్బందికి గురైన‌ట్టు క‌నిపించింది. అయితే ఇందుకు సంబంధించిన వీడియో సోష‌ల్ మీడియాలో చ‌క్క‌ర్లు కొట్ట‌డంతో నెటిజ‌న్స్ సుశీంద్ర‌న్‌ని తెగ ట్రోల్ చేశారు. ఈ నేపథ్యంలో ఆయ‌న స్పందించారు.
సినిమాలో శింబును ఉద్దేశించిమామా ఐ ల‌వ్యూ అని నిధి చెప్పే డైలాగ్ ఒక‌టి ఉంటుంది. ఆ డైలాగ్ చెప్ప‌మ‌ని నేను ప్రోత్స‌హించానే త‌ప్ప ఆమెను ఇబ్బంది పెట్ట‌లేద‌ని వివర‌ణ ఇచ్చాడు. ఈశ్వ‌ర‌న్ చిత్రం శింబు హీరోగా ఓ గ్రామీణ నేపథ్యంలో తెరకెక్కుతోంది. తమన్‌ సంగీత స్వరాలు సమకూరుస్తున్న ఈ చిత్రం కన్నడ, మలయాళ, హిందీలోనూ విడుదల కానుంది. ఈ సినిమా కోసం శింబు 101 కేజీల నుండి 71 కేజీల వ‌ర‌కు త‌గ్గాడ‌ట. త‌న‌లోని మార్పు త‌న‌కే షాకిచ్చింద‌ని అంటున్నాడు ఈ త‌మిళ హీరో.