ఇండియన్ సినిమా దగ్గర ఎన్నో సూపర్ మల్టీ స్టారర్ చిత్రాల్లో లేటెస్ట్ గా వచ్చిన “విక్రమ్” సినిమాకి మాత్రం ఒక ఐకానిక్ రోల్ ఉంటుంది అని చెప్పాలి. యంగ్ దర్శకుడు లోకేష్ కనగ్ రాజ్ తెరకెక్కించిన ఈ చిత్రంలో ఉలగ నయాగన్ కమల్ హాసన్ హీరోగా నటించగా మరో ఇద్దరు పొటెన్షియల్ నటులు మక్కల్ సెల్వన్ విజయ్ సేతుపతి అలాగే మలయాళ స్టార్ నటుడు ఫహద్ ఫాసిల్ లు సాలిడ్ రోల్స్ లో నటించారు.
అయితే ఈ ముగ్గురు కలయికే అనుకుంటే స్టార్ హీరో సూర్య అయితే ఇండియన్ ఆడియెన్స్ మైండ్ ని బ్లాక్ చేసాడు. రోలెక్స్ అనే ఇంట్రెస్టింగ్ పాత్రలో కనిపించి దుమ్ము లేపిన సూర్య ఈ సినిమాని ఇంకో లెవెల్లో సెట్ చేసాడని మూవీ లవర్స్ అంటున్నారు. అయితే మరి ఇలాంటి ఒక క్రేజీ రోల్ చేసిన సూర్య ఈ సినిమాకి ఎంత రెమ్యునరేషన్ తీసుకున్నాడో తెలిస్తే షాక్ అవ్వాల్సిందే.
మామూలుగా వేరే ఏ హీరో అయినా ఇలాంటి రోల్ కోసం మినిమమ్ రెండు నుంచి 5 కోట్లు డిమాండ్ చేస్తారు. కానీ సూర్య మాత్రం జీరో రెమ్యూనరేషన్ తీసుకున్నాడట. అంటే అసలేం లేదు.. ఫ్రీ గా ఈ సినిమాలో రోల్ తాను చేసినట్టుగా తమిళ సినీ వర్గాలు చెబుతున్నాయి. ఇది షాకింగ్ అని చెప్పాలి. మొత్తానికి అయితే సూర్య ని మాత్రం ఈ రోల్ లో చూసి ఆడియెన్స్ మెంటల్ హై ఫీల్ అవుతున్నారు.