Suriya’s ET : తమిళ నాట స్టార్ హీరో అయినటువంటి సూర్య నటన కోసం ఎంతవరకు అయినా వెళ్లగలిగే మరో అరుదైన నటుడు. సినిమా సినిమాకి అలాగే సినిమాలో కూడా ఎన్నో వేరియేషన్స్ చూపిస్తూ ఎప్పటికప్పుడు ఆశ్చర్యపరుస్తూనే ఉంటాడు సూర్య. మరి అలా చాలా కాలం తర్వాత ఒక పక్కా మాస్ ఎంటర్టైనర్ సినిమాతో వస్తున్నాడు. ఆ చిత్రమే “ఈటి”.
ఎవరికీ తలవంచడు అనే మాస్ క్యాప్షన్ తో వస్తున్న ఈ భారీ సినిమాని దర్శకుడు పాండిరాజ్ తెరకెక్కించిన ఈ మార్చ్ 10 న పాన్ ఇండియా లెవెల్లో భారీ ఎత్తున విడుదల కాంబోతుంది. అయితే ఈ సినిమాపై దర్శకుడు పాండిరాజ్ లేటెస్ట్ గా ఇచ్చిన స్టేట్మెంట్ అటు తమిళ్ సినీ వర్గాలతో పాటు మన తెలుగు సినీ వర్గాల్లో కూడా మంచి వైరల్ గా మారింది.
తాను చెప్తుంది ఏమిటంటే ఈ సినిమా చూసాక మాత్రం దయచేసి ఎవరు క్లైమాక్స్ గురించి మాత్రం మాట్లాడవద్దని.. మొదటి రోజు మొదటి షో చూసే వారికి అలాగే సినిమా చూసే విమర్శకులకు కూడా ఇదే చెప్తున్నానని తెలిపాడు. అంటే ఈ సినిమాలో క్లైమాక్స్ కి ఏదో పెద్ద ట్విస్ట్ నే ప్లాన్ చేసినట్టుగా అర్ధం అవుతుంది.
ఏ సినిమాకి అయినా కూడా క్లైమాక్స్ నే అతి పెద్ద బలం అలాంటిది తన సినిమా క్లైమాక్స్ పై దర్శకుడు ఈ రేంజ్ స్టేట్మెంట్స్ వదలడం ఆసక్తికరమే అని చెప్పాలి. మరి తాను చెప్పిన లెవెల్లో ఈ సినిమా క్లైమాక్స్ ఉంటుందో లేదో తెలియాలి అంటే ఈ మార్చ్ 10 వరకు ఆగాల్సిందే. ఇక ఈ సినిమాలో హీరోయిన్ గా ప్రియాంకా అరుల్ మోహన్ నటించగా సన్ పిక్చర్స్ వారు నిర్మాణం అందించారు.