Suriya: తమిళ్ స్టార్ హీరో సూర్య గురించి ప్రత్యేకంగా పరిచయం అక్కర్లేదు. సూర్య ప్రస్తుతం బ్యాక్ టు బ్యాక్ సినిమాలలో నటిస్తూ ఫుల్ బిజీబిజీగా గడుపుతున్న విషయం తెలిసిందే.. తమిళంతో పాటు తెలుగులో కూడా భారీగా పాపులారిటీని ఏర్పరుచుకున్నాడు సూర్య.. సూర్య నటించిన సినిమాలు తెలుగులోకి కూడా విడుదల అవుతూ ఉంటాయి. ఇది ఇలా ఉంటే ఇటీవలే సూర్య కంగువా సినిమాతో ప్రేక్షకులను పలకరించిన విషయం తెలిసిందే.
భారీ అంచనాల నడుమ విడుదలైన ఈ సినిమా ఊహించని విధంగా మిక్స్డ్ టాక్ ని తెచ్చుకుంది. సినిమాలో మొదటి హాఫ్ బాగా సాగదీయడం, బ్యాక్ గ్రౌండ్ మ్యూజిక్ మరీ ఎక్కువగా ఉండటంతో అనేక విమర్శలు వచ్చాయి. ఇకపోతే ఇప్పటికే కంగువా సినిమాపై విమర్శలు రావడంతో జ్యోతిక అలాగే మూవీ మేకర్స్ స్పందించిన విషయం తెలిసిందే. తాజాగా కంగువా మూవీ సహా నిర్మాత ధనంజయన్ సంచలన వ్యాఖ్యలు చేశారు. తాజాగా ఒక ఇంటర్వ్యూలో పాల్గొన్న ధనంజయన్ మాట్లాడుతూ.. ఇద్దరు హీరోల అభిమానులు గత కొన్నాళ్లుగా సూర్యని టార్గెట్ చేశారు. ఇప్పుడు రెండు రాజకీయ పార్టీలు కూడా ఆ ఫ్యాన్స్ తో కలిసి సూర్యని కింద పడేయాలని చూస్తున్నాయి.
ఆ హీరోలు ఇద్దరూ టాప్ పొజిషన్ లో ఉన్నారు. అయినా వాళ్ళ ఫ్యాన్స్ సూర్యని ఎందుకు టార్గెట్ చేస్తున్నారో తెలియడం లేదు. ముఖ్యంగా ఒక హీరో ఫ్యాన్స్ అయితే సూర్యని ప్రతి రోజు ఓవర్ గా ట్రోల్ చేస్తున్నారు. వాళ్ళే కంగువా సినిమాని కూడా ట్రోల్ చేశారు అంటూ వ్యాఖ్యలు సంచలన కామెంట్స్ చేశారు. దీంతో ధనుంజయన్ చేసిన వ్యాఖ్యలు సోషల్ మీడియాలో వైరల్ గా మారాయి. అయితే ఆ ఇద్దరు హీరోల ఫ్యాన్స్ అంటే విజయ్, అజిత్ ఫ్యాన్స్ అని అందరూ భావిస్తున్నారు. విజయ్ ఫ్యాన్స్ సూర్యని గతంలో కూడా పలుమార్లు ట్రోల్ చేయడంతో వాళ్లనే అన్నారని అందరూ భావిస్తున్నారు. అయితే సినిమా బాగోలేకపోతే ఇలా వేరేవాళ్ళ మీద విమర్శలు చేయడం ఏంటి, కంగువా సినిమా ఫెయిల్ అయితే వాళ్ళను బ్లేమ్ చేయడం ఏంటి అని పలువురు ధనుంజయన్ ని విమర్శిస్తున్నారు.