Mahesh Babu: సూపర్ స్టార్ మహేష్ బాబు వరుస సినిమాలను లైన్లో పెట్టుకున్న సంగతి తెలిసిందే. ప్రస్తుతం పరశురామ్ దర్శకత్వంలో ‘సర్కారు వారి పాట’ చిత్రం చేస్తున్నారు. శరవేగంగా జరుగుతున్న ఈ సినిమా షూటింగ్ కోవిడ్ సెకండ్ వేవ్ కారణంగా చిత్రీకరణ ఆగిపోయింది.
ఇక ఈ సినిమా తర్వాత మహేష్ త్రివిక్రమ్ డైరెక్షన్లో ఒక చిత్రం చేయాల్సి ఉంది. ఇది కంప్లీట్ ఫ్యామిలీ ఎంటర్టైనర్. దీని తరువాత మహేష్ రాజమౌళితో సినిమా చేస్తారని బలమైన టాక్ వినబడింది. అయితే అంతకంటే ముందే మహేష్ బాబుతో సినిమా అని ఇంకొక పేరు వినబడింది. అదే సుధా కొంగర. ‘సూరరై పొట్రూ’ సినిమాతో సుధా కొంగర పేరు దేశవ్యాప్తమైంది.
సినిమా ఆస్కార్ నామినేషన్లకు కూడ వెళ్ళింది. ఆమెతోనే మహేష్ సినిమా ఉంటుందని వార్తలు జోరుగా వచ్చాయి. మళ్లీ కొన్నాళ్లకు ఆగిపోయి త్రివిక్రమ్, రాజమౌళి లైన్లోకి వచ్చారు. ఇప్పుడేమో రాజమౌళి పేరుని వెనక్కి నెడుతూ సుధా కొంగర పేరు తెరమీదకు వచ్చింది.
నిజానికి సుధా కొంగర కూడ మహేష్ బాబుతో సినిమా చేయడానికి చాలా ఉత్సాహంగా ఉన్నారు. మరి త్రివిక్రమ్ సినిమా తర్వాత సుధా కొంగర సినిమానే ఉంటుందా లేకపోతే రాజమౌళి సినిమా ఉంటుందా అనేది తేలాల్సి ఉంది. మహేష్ అభిమానులైతే సుధా కొంగరతో సినిమా అనేసరికి ఎగ్జైట్ అవుతున్నారు.