Bigg Boss Non stop: ఓటిటి లో ప్రసారమవుతున్న బిగ్ బాస్ నాన్ స్టాప్ రియాలిటీ షో లో నామినేషన్ ప్రక్రియ చాలా రసవత్తరంగా ఉంది. ప్రతీ వారం నామినేషన్ , ఎలిమినేషన్ కొసం ఎంతో ఆతృతగా ఎదురుచూసే ప్రేక్షకులు ఈ వారంలో నామినేషన్ చూసి విసుగు చెందారు. హౌజ్ లో ఉన్న సభ్యులు కొట్టుకోవటం మాత్రమే తక్కువ అన్నట్టు మాటల యుద్ధం చేస్తున్నారు. ఇక ఈ వారం నామినేషన్స్ లో భాగంగా బిందూ మాధవి నట్రాజ్ మాస్టర్ ని నామినేట్ చేసి మాష్టర్ టాప్ ఫైవ్ లో ఫినాలే వరకు కొనసాగేందుకు అర్హత లేదని చెప్పింది.
అలా బిందు మాధవి నామినేట్ చేయడంతో నట్రాజ్ మాస్టర్ కోపంతో ఊగిపోయి తన మాటలతో బిందు మాధవి మీద దాడికి దిగాడు. బయట డబ్బులు ఇచ్చి ఓట్లు వేయించుకుంటుందని, కేవలం ట్రోఫీ కోసం మాత్రమే తెలుగు అమ్మాయి లాగా ఉంటూ ట్రోఫీ తేసూకొని చెన్నై కి వెళ్ళిపోతుంది అంటూ బిందూ మీదా దారుణంగా కామెంట్స్ చేసాడు. అయితే బిందూ కూడ మాష్టర్ కి ఏ మాత్రం తీసిపోకుండా ఎదురు సమాధానాలు చెప్తూ మాష్టర్ ముందు ఉమ్మేసింది.
బిందూ ఇలా చేయటంలో నటరాజ మాష్టర్ ఫ్యాన్స్ తీవ్ర ఆగ్రహానికి గురవుతున్నారు. ప్రతి గేమ్ లోనూ స్ట్రాంగ్ పోటీ ఇచ్చే నట్రాజ్ మాస్టర్ ఎక్కడ? ఎటువంటి గేమ్ ఆడకుండా ఉండే బిందుమాధవి ఎక్కడ అంటూ కామెంట్లు పెడుతున్నారు. కనీసం మాస్టర్ వయసు కైనా గౌరవం ఇవ్వకుండా ఆయన ముందు ఉమ్మేసింది అంటూ అసహనం వ్యక్తం చేస్తున్నారు. మరొకవైపు బిందూ ఫ్యాన్స్ కూడ వారి కామెంట్స్ కి చాల స్ట్రాంగ్ గా బదులిస్తున్నారు. మీ మాష్టర్ కి ముందు అమ్మాయిలను గౌరవించటం నేర్పించండి అంటూ కౌంటర్లు ఇస్తున్నారు. అంతే కాకుండా బాబా భాస్కర్ మాష్టర్ ముందు నటరాజ మాస్టర్ ఉమ్మేసినప్పుడు మీ రోషం ఎక్కడికి పోయింది అంటూ కామెంట్లు చేస్తున్నారు. ఇలా వీరిద్దరి ఫ్యాన్స్ మద్య సోషియల్ మీడియాలో పెద్ద వార్ నడుస్తోంది.