టాలీవుడ్ యంగ్ హీరో నితిన్ ప్రస్తుతం మాచర్ల నియోజకవర్గం సినిమా ప్రమోషన్ కార్యక్రమాలలో బిజీగా ఉన్నారు. ఎమ్ ఎస్ రాజశేఖర్ రెడ్డి దర్శకత్వంలో శ్రేస్ట్ మూవీస్ బ్యానర్ పై సుధాకర్ రెడ్డి నిర్మాణంలో తెరకెక్కిన ఈ సినిమా ఆగస్టు 12వ తేదీ ప్రేక్షకుల ముందుకు రావడంతో పెద్ద ఎత్తున సినిమా ప్రమోషన్ కార్యక్రమాలను నిర్వహిస్తున్నారు. ఈ సినిమా ప్రమోషన్ కార్యక్రమాలలో భాగంగా సింగర్ మంగ్లీతో కలిసి ఈయన ఒక ఇంటర్వ్యూలో పాల్గొన్నారు. ఈ క్రమంలోనే మంగ్లీ నితిన్ ను ఇంటర్వ్యూ చేశారు.
ఇకపోతే ఈ ఇంటర్వ్యూ అనంతరం మంగ్లీ హీరో నితిన్ కు రాఖీ కట్టి ఆయనకు రాఖీ పండుగ శుభాకాంక్షలు తెలియజేశారు. మంగ్లీ నితిన్ కు రాఖీ కట్టి ఆయనకు శుభాకాంక్షలు తెలియజేయడంతో హీరో నితిన్ కూడా భారీగా తనకు గిఫ్ట్లు ఇచ్చినట్టు తెలుస్తోంది. ప్రస్తుతం ఈ ఘటనకు సంబంధించిన ఈ వీడియో సోషల్ మీడియాలో వైరల్ గా మారింది.
ఇకపోతే నితిన్ నటించిన మాచర్ల నియోజకవర్గం సినిమాలో ఈయన మొదటిసారిగా ఒక ఐఏఎస్ పాత్రలో కనిపించనున్నారు. ఈ సినిమాలో నితిన్ సరసన కృతి శెట్టి కేథరిన్ హీరోయిన్లుగా నటిస్తున్నారు. ఇప్పటికే ఈ సినిమా నుంచి విడుదలైన పాటలు సినిమాపై భారీ అంచనాలను పెంచాయి.ఇక ఈ సినిమాలో రారా రెడ్డి అంటూ సాగిపోయే ఐటమ్ సాంగ్ ప్రస్తుతం సోషల్ మీడియాలో ట్రెండ్ అవుతుంది. అయితే ఈ సినిమా ఎన్నో అంచనాలు నడుమ ప్రేక్షకుల ముందుకు రానుంది. మరి ఈ సినిమాకి ప్రేక్షకుల నుంచి ఎలాంటి ఆదరణ వస్తుందో తెలియాల్సి ఉంది.