Aditi Rao Hydari-Siddharth: టాలీవుడ్ హీరో సిద్ధార్థ్ గురించి మనందరికీ తెలిసిందే. ప్రస్తుతం కేవలం అడపాదడపా సినిమాలలో నటిస్తున్నాడు సిద్ధార్థ్. తెలుగులో సిద్ధార్థ్ కి ఏ రేంజ్ లో ఫాన్స్ ఫాలోయింగ్ ఉందో మనందరికీ తెలిసిందే. ఇకపోతే సినిమాలలో నటించకపోయినప్పటికీ ప్రేమ పెళ్లి వ్యవహారాలలో తరచూ ఏదో ఒక విషయంతో వార్తలు నిలుస్తూనే ఉన్నాడు సిద్ధార్థ్. సిద్ధార్థ్ గత కొంతకాలంగా హీరోయిన్ అదితి రావు హైదరితో ప్రేమాయణం లో ఉన్న విషయం తెలిసిందే.
మహాసముద్రం సినిమాతో ఏర్పడిన పరిచయం కాస్త ప్రేమగా మరి పెళ్లి పీటలు ఎక్కిన విషయం కూడా తెలిసిందే. ఈ ఏడాది సెప్టెంబర్ 16వ తేదీన ఇరు కుటుంబ సభ్యుల సమక్షంలో వీరి పెళ్లి చాలా సింపుల్ గా జరిగింది. అయితే తాజాగా ఈ జంట ఇప్పుడు మరోసారి మళ్ళీ పెళ్లి చేసుకొని షాక్ ఇచ్చారు. ఆ ఫోటోలని తమ సోషల్ మీడియా వేదికగా షేర్ చేసారు. రాజస్థాన్ లోని అలీల ఫోర్ట్ లో వీరు డెస్టినేషన్ వెడ్డింగ్ చేసుకున్నారు. ఆ ఫొటోస్ లో అదితి రెడ్ లెహంగాలో పెళ్లికూతురి అలంకరణలో చాలా అద్భుతంగా ఉంది.
హీరో సిద్దార్థ్ సైతం పెళ్లి కొడుకుగా చాలా అందంగా కనిపించారు. ప్రస్తుతం అందుకు సంబంధించిన ఫోటోలను హీరో సిద్దార్థ్ తన సోషల్ మీడియా ఖాతాలో షేర్ చేశారు. ఆ ఫోటోలు ప్రస్తుతం సోషల్ మీడియాలో వైరల్ అవ్వడంతో అభిమానులు శుభాకాంక్షలు తెలుపుతున్నారు. ఇంకొందరు ఆల్రెడీ మొదటిసారి పెళ్లి చేసుకొని మళ్లీ రెండు నెలల తర్వాత మళ్లీ పెళ్లి చేసుకోవడం ఏంటి విచిత్రం కాకపోతే అంటూ కామెంట్స్ చేస్తున్నారు.