Venky’s Sister In Law Of Pavitra Prema : ‘పవిత్ర ప్రేమ’ విక్టరీ వెంకటేష్కి మరదలి పాత్రలో మెరిసిన ముద్దుగుమ్మ లైలా. పొట్టి పొట్టి గౌనులేసుకుని, సొట్టబుగ్గలతో వెంకీనే కాదు, కుర్రకారుకు సైతం గిలిగింతలు పెట్టేసింది అందాల భామ లైలా. ‘ఎగిరే పావురమా’ సినిమాతో తెలుగు తెరకు పరిచయమైన లైలా పెద్దగా స్టార్డమ్ని పట్టించుకోలేదు.
కానీ, హీరోయిన్గా మంచి పేరు తెచ్చుకుని, చాలా తక్కువ టైమ్లోనే దుకాణం కట్టేసింది. పెళ్లి చేసుకుని సినిమాలకు దూరమైపోయింది. ఇండస్ట్రీలో సంబంధం లేని వ్యక్తినే లైలా పెళ్లి చేసుకుంది. సినిమాల్లో నటించడానికి ముందే ఆయనతో డీప్ ఫ్రెండ్షిప్ వుండేదట లైలాకి. దాదాపు 9 ఏళ్లు ఆయనతో ప్రేమాయణం సాగించిన లైలా చివరికి పెద్దలను ఒప్పించి పెళ్లి చేసుకుంది.
ఆయనో బడా బిజినెస్ మేన్. కోట్లకు పడగలెత్తిన వ్యక్తి. లైలాకి ప్రస్తుతం ఇద్దరు కొడుకులు. ఇద్దరు కొడుకుల తల్లి అయినా అప్పటి లైలా మాదిరి అందంలోనూ క్యూట్నెస్లోనూ ఏమాత్రం తగ్గలేదు లైలా. దాంతో ఇప్పుడిప్పుడే సినిమా అవకాశాలు వస్తున్నాయట.
ఈ మధ్య బుల్లితెరపై కొన్ని టీవీ షోలకు గెస్ట్ జడ్జిగా వ్యవహరిస్తూ సందడి చేస్తోంది లైలా. సినిమాల్లో మంచి అవకాశాలు వస్తే, అక్క, వదినమ్మల పాత్రలో సందడి చేయాలని వుందని చెబుతోంది. నిజంగా లైలాకి అలాంటి ఆఫర్స్ వస్తే, పెద్ద తెరపై ఓ అందమైన అక్క, వదినమ్మల పాత్రలు సిద్ధం చేయడం మేకర్స్కి పెద్ద కష్టమేం కాదు సుమీ.