చిరంజీవి హీరోగా బి.గోపాల్ డైరెక్షన్ లో అశ్వనీదత్ నిర్మాతగా తెరకెక్కిన ఇంద్ర సినిమా బాక్సాఫీస్ వద్ద సృష్టించిన సంచలనాలు అన్నీఇన్నీ కావు. ఫ్యాక్షన్ సినిమాలలో నటించడం ఇష్టం లేకపోయినా కథ నచ్చడంతో చిరంజీవి ఈ సినిమాలో నటించడానికి అంగీకరించారు. అయితే ఈ సినిమాలో ఒక పెద్ద తప్పు ఉంది. సినిమా విడుదలైన చాలా రోజుల తర్వాత ఈ తప్పు వెలుగులోకి రావడం గమనార్హం.
ఈ సినిమాలోని సెకండాఫ్ లో చాలా సన్నివేశాలను చిరంజీవి డైరెక్ట్ చేశారు. బి.గోపాల్ అల్లరి రాముడు సినిమా షూటింగ్ తో బిజీగా ఉండటంతో చిరంజీవి ఈ నిర్ణయం తీసుకున్నారు. వరుస ఫ్లాపులతో కెరీర్ విషయంలో ఒడిదొడుకులు ఎదుర్కొంటున్న చిరంజీవికి ఈ సినిమాతో కోరుకున్న సక్సెస్ దక్కింది. ఈ సినిమాలోని ఒక సన్నివేశంలో ఒకే సమయంలో హోళీ పండుగ, రాఖీ పండుగ జరుగుతున్నట్టు చూపించారు.
వాస్తవానికి ఈ రెండు పండుగలు ఒకే సమయంలో రావు అనే సంగతి తెలిసిందే. సాధారణంగా హోళీ పండుగను మార్చి నెలలో జరుపుకుంటే ఆగష్టు నెలలో రాఖీ పండుగను జరుపుకుంటాం. అయితే సినిమాలో ఈ తప్పును గుర్తించిన మేకర్స్ కొన్నిరోజుల తర్వాత ఆ తప్పును సరి చేశారు. ఇంద్ర సినిమా అప్పట్లో దాదాపుగా 30 కోట్ల రూపాయల కలెక్షన్లను సాధించి సంచలన విజయాన్ని సొంతం చేసుకుంది.
అటు చిరంజీవికి ఇటు బి.గోపాల్ కు ఈ సినిమా మంచి పేరు తెచ్చిపెట్టింది. నిర్మాతలకు కూడా ఈ సినిమా సక్సెస్ తో కళ్లు చెదిరే స్థాయిలో లాభాలు వచ్చాయి. ఒకప్పుడు దర్శకుడిగా వరుస విజయాలను సొంతం చేసుకున్న బి.గోపాల్ ప్రస్తుతం సరైన సక్సెస్ లేక కెరీర్ విషయంలో ఒడిదొడుకులు ఎదుర్కొంటున్నారు. మస్కా సినిమా తర్వాత ఈ డైరెక్టర్ కు మరే స్టార్ హీరో ఛాన్స్ ఇవ్వలేదు.