Nithin Heroine : నితిన్తో ‘కొరియర్ బాయ్ కళ్యాణ్’ సినిమాలో నటించిన ముద్దుగుమ్మ గుర్తుందా.? బాలీవుడ్ భామ యామీ గౌతమ్. కేవలం నటిగానే కాదు, పలు రకాల పాపులర్ కమర్షియల్ యాడ్స్తోనూ ఈ అమ్మడు సుపరిచితురాలే.
బాలీవుడ్లో హీరోయిన్గా వెలుగొందుతోంది. తెలుగులో ‘కొరియర్ బాయ్ కళ్యాణ్’తో పాటు మరో రెండు, మూడు సినిమాల్లోనూ నటించింది. ఇంత చేసిన ఈ అమ్మడికి అసలు యాక్టింగే రాదంటూ ఓ వెబ్ మీడియాలో కథనాలు వచ్చాయట.
దాంతో, ఇంకేముంది.. నన్ను అంత మాటంటారా.? ఇది నాకు చాలా అవమానం.. ‘కాబిల్’ వంటి హిట్ సినిమాల్లో నటించిన నన్నుఇంతలా అవమానిస్తూ టార్గెట్ చేస్తారా.? అంటూ అమ్మడు సీరియస్ అయ్యింది. ఇంతకీ యామీ గౌతమ్ అంతలా రియాక్ట్ అవ్వడానికి కారణమేంటంటే.. ఇటీవల ‘దస్వీ’ అను సినిమాలో యామీ గౌతమ్ నటించింది.
అభిషేక్ బచ్చన్, నిమ్రత్ కౌర్, యామీ గౌతమ్ లీడ్ రోల్స్లో నటించిన సినిమా ఇది. రీసెంట్గా ఈ సినిమా ఓటీటీలోనూ స్ర్టీమింగ్ అవుతోంది. ఈ సినిమా రివ్యూలో భాగంగా ఓ వెబ్ మీడియా యామీ గౌతమ్ యాక్టింగ్పై కొన్ని కామెంట్స్ చేసిందట. సహజంగా వచ్చే కామెంట్లే అవి. కానీ, పాప బాగా హర్టయ్యిందట.
కాస్త డీప్గా ఆలోచించి చూస్తే, ఇదంతా తన సినిమాకి ఫ్రీ పబ్లిసిటీ స్టంట్లా తోచట్లా.! ఏదో ఒక కాంట్రవర్సీ క్రియేట్ చేస్తే, ఎంతో కొంత పబ్లిసిటీ యాడ్ అవుతుంది కదా. అలా ఓటీటీలో తన సినిమాకి మరింత ప్రేక్షకాదరణ దక్కుతుందని ఇలా స్కెచ్ వేసిందేమో యామీ గౌతమ్.